Krioyonan den MLB (8 di Òktober)

Deporte

Kenley i Dodgers ta buska drechi awor di Schoop i Brewers

Kenley Jansen (Dodgers) a tira den nobeno ining pero no den un situashon di salba wega pero si pa sigurá e viktoria di Los Angeles Dodgers ku asina ta gana e seri kontra di Braves 3-1. Awor Kenley i Dodgers ta pasa pa playoff final di Liga Nashonal kontra di Milwaukee Brewers. Kenley a tira 1 ining i dominá tur tres bateadó ku el a enfrentá, ponchando 2 di nan inkluso su kompatriota, Ozzie Albies.

Ozhaino Albies (Braves) a bai di 5-1 den e último wega di post temporada 2018 pe i su ekipo Braves despues di kai vensí ayera na man di Los Angeles Dodgers ku a gana e seri aki di mihó di 5, 3-1. Ozzie a enfrentá Kenley den bataya di krioyo i Kenley a bai ku ront #1 ponchando Ozzie. Braves awor por kuminsá prepará pa temporada 2019 despues di tòg un eksitoso kampaña.

Didi Gregorius (Yankees) a bai di 2-0 i a empuhá e uniko kareda di wega pa Yankees ayera. Ku e derota aki Yankees awor ta kai atras 2-1 den e seri di mihó di 5 kontra Boston Red Sox. Yankees mester gana awe pa keda ku speransa, un derota i tur kos a kaba

Xander Bogaerts (Red Sox) a bai di 6-2 ku 1 kareda anotá den e KO ku su ekipo a propiná Yankees ayera. Ku un viktoria mas, Red Sox ta pasa pa playoff final di Liga Amerikana unda nan lo topa ku Houston Astros ku ta kla kaba

Jonathan Schoop (Brewers) ta den e modalidat di drumi warda i awor a bira konosí ku nan lo topa Los Angeles Dodgers den e promé wega di playoff final di Liga Nashonal djabièrnè awor 12 di òktober den un seri di mihó di 7 na kas

Jurickson Profar (Rangers) temporada a finalisá. Sifranan final:

Ab: 524
H: 133
Avg: .254
R: 82
RBI 77
Hr: 20
2b: 35
3b: 6
SB: 10
CS: 0
SO: 88
BB: 54
TB: 240
Games: 146
Slg: 458

Andrelton Simmons (Angels) temporada a finalisá. Sifranan final:

Ab: 554
H: 162
Avg: .292
R: 68
RBI: 75
TB: 231
Hr: 11
3b: 5
2b: 26
SB: 10
CS: 2
BB: 35
SO: 44
Games: 146
Slg: 417

Play of the DAY

Na Hapon

Coco Balentien (Yakult Swallows) a konektá su di 38 honron di temporada ayera i a bai di 3-1 ku 3 kareda empuhá ku un doblete i 1 base por bola risibí. Esaki tabata e di 6 viktoria sigui di Swallows i asina sigurá nan puesto den playoff na Hapon. Awe lo tin último wega di temporada regular.