Resultado di outopsia

RALENDIJK--Resultado di outopsia ta indiká ku e krokodel probablemente a muri a konsekuensia di strès di kaptura. Esaki ta un riesgo konosí den kaso di kaptura i transporte di rèptil salbahe. A warda ku emití un deklarashon, te ora ku a kompartí e resultadonan di e outopsia ku e instansianan relevante. Relashoná ku e rapòrt di outopsia, STINAPA i Entidat Públiko Boneiru a emití un deklarashon tokante morto di e krokodel. STINAPA i Entidat Públiko Boneiru ta rekonosé ku e situashona haña hopi atenshon i ku ta biba un nesesidat di klaridat. Tur instansia embolbí a aktua na e máksimo di nan kapasidat den e intento pa kapturá e krokodel. Den esaki a tene kuenta ku tantu e bienestar di e animal komo ku seguridat di komunidat. Lamentablemente, e krokodel a muri despues di su kaptura. Relashoná ku esaki a hasi outopsia riba petishon di STINAPA. Esaki tabata un outopsia makroskópiko.  A kompartí e resultadonan di e outopsia ku e instansianan relevante, entre nan Ministerio Públiko i Ministerio di Agrikultura, Peska, Seguridat di Kuminda i Naturalesa i ta evaluá e proseso. Ademas ta elaborando ku e instansianan relevantena finalisashon di e evaluashon.