WILLEMSTAD.- E kompetensia anual di ‘International Songwriting Competition’ tin un partisipante di Korsou. Ta trata di nos maestro musikal, Gregory Colina, ku a partisipá ku un komposishon instrumental titulá ‘Horizon Star Rising’. No ta promé biaha ku Gregory Colina a partisipá den e kompetensia aki.

E kompetensia ku ta un ‘online’ ta konta ku partisipashon di músiko i artistanan di rònt mundu. E aña aki e kompetensia a konta ku partisipashon di mas ku 26 mil partisipante.

Bo por partisipá den diferente kategoria i un grupo amplio di hurado ta husga e komposishonnan i anunsiá un lista di semi finalista.

Pa por pasa pa e final, un hurado lo skohe e finalistanan i un grupo di ‘Celebrity Judges’ lo saka e ganadó i finalistanan di kada kategoria.

Premionan di e kompetensia ta konsistí di entre otro e suma di 25 mil dòler pa e ganadó i un sin fin di premionan ku ta inkluí entre otro produkshon i promoshon di bo albùm.

‘DEN E BEMBE’ ke deseá Gregory tur klase di éksito ku su partisipashon.