KRALENDIJK — Bon notisia
pa studiante di Hulanda
Karibense. A adaptá e finansiamentu
di estudio di BES.
Awor nan por bai studia entre
otro na Canada. Tweede Kamer
a reuní e siman aki tokante e
proposishon di lei aki. Di
akuerdo ku un publikashon di
Ret Karibense.
Saba a pidi pa deklará e
finansiamentu di estudio BES
bálido tambe pa estudionan na
Canada, pasobra hopi studiante
sabano i statiano ta preferá di
studia den un pais di abla ingles
ku na Hulanda, teniendo na
kuenta ku nan idioma materno
ta ingles.
Esther Henry, ku ta studia
na Estádos Unídos, ta entusiasmá
tokante e kambio
binidero. El a buska informashon
kaba tokante diferente
universidat kanades. Lo ta un
diferensia di mas o ménos 5000
dòler. Pero e nivel di enseñansa na Canada ta mas haltu tambe.
Awor e ke hasi su MBA na
Canada.
Rose Caines, ku ta biba na
Hulanda, ta kontentu. E plaka
di skol na universidatnan
merikano simplemente ta
muchu haltu. E motibu mas
grandi pa bai Canada ta pa kaba
un estudio. Pero tambe pasobra
ta mas barata.
Na Canada Caines no tin
molèster di e barera di idioma.
Hopi statiano ta enfrentá esaki
na Hulanda. Nuebe di kada
dies statiano hóben no ta papia
bon hulandes. Ami tambe a
tuma dos aña pa mi siña. Tòg
nan ta bini Hulanda pasobra
studia ei ta barata, pero idioma
ta hunga un papel importante’.
E finansiamentu di estudio
di BES riba otro terenonan
tambe ta igual na e finansiamentu
di estudio di Hulanda
Oropeo. E ta bálido tambe pa
estudionan privá rekonosé. Gobièrnu no ta finansiá estudionan
asina, pero e studiantenan
ta haña finansiamentu di
estudio tòg. Esnan ku ta risibí
finansiamentu di estudio di
BES den futuro tambe por
kuminsá un estudio na febrüari,
na mitar di e aña
akadémiko.
Studiantenan ku kambia di
estudio ántes no tabata haña
finansiamentu di estudio di
BES na ougùstùs, pasobra e ora
ei e estudio bieu a para i e nobo
no a kuminsá ainda. Pero
gastunan di kosto di bida si
tabata sigui normalmente i
esaki tabata kousa problema
finansiero. Meskos ku e
finansiamentu di estudio
Hulandes Oropeo awor ta paga
esaki na ougùstùs.
Na petishon por adaptá e
pago mensual di finansiamentu
di estudio BES. Pa hopi
studiante na universidatnan
merikano no ta kumbiní pa
paga tur luna, pasobra nan
mester paga un suma grandi
dos bia pa aña na nan instansia
di edukashon.