MERKA.- Kylie Jenner ta riba e kaminda pa bira e bionario di mas yòn di historia. E revista Forbes ta kalkulá e fortuna aktual di Jenner na 900 mion dòler.
Segun e revista e strea di ‘reality tv’, 20 aña, lo superá e marka di 1 bion dòler otro aña. Aktualmente e rekòr di e bionario di mas yòn ta riba e nòmber di Mark Zuckerberg, doño di Facebook, kende a yega e marka ku 23 aña di edat.
Jenner a yega na su fortuna ku sosial media i su liña di ‘make-up’, Kylie Cosmetics. E empresa miéntras tantu tin un balor di 800 mion dòler. Adishonal Jenner ta ‘strika’ algun mion dòler ku e shownan di ‘reality’ huntu ku su famia.