WILLEMSTAD.- Ayera tardi 4’or a tuma lugá e reunion relashoná ku e destaho públiko pa organisá Karnaval 2018 i 2019.

Sra. mr. Arleen Irausquin i Sra. mr. Eline de Vries tabatin na nan enkargo e parti legal di habri buzon i tambe hasi menshon dje kantidat di partisipantenan ku ta partisipando na e destaho.

Un total di kuater grupo ta partisipando na e destaho, e promé ta ‘Sumusika Curaçao BV’ ku a inskribí pa 495 mil florin i ta representá pa Giscard Felida; e di dos organisashon ta ‘Coridja Stars Production’ ku a inskribí pa 400 mil florin i ta representá pa Corinne Djaoen Genaro; di tres organisashon ta: ‘Stichting J.A.G. ku a inskribí pa 350 mil florin i a keda representá pa Juni Aniceta i por último AGKK, Asosashon di Gruponan di Karnaval,  tambe a inskribí pa 496.388 florin i nan a keda representá pa Henny Reinilla.

Awor ku tur organisashon partisipante ta konosí un komishon lo bai evaluá pa djei eligí e organisashon ku ta kumpli ku tur loke Gobièrnu ta pidi pa por bini na remarke pa organisá nos selebrashon di Karnaval.

Segun informashon ku ‘DEN E BEMBE’ a risibí ta tuma mas o ménos dos siman promé ku e ganadó dje destaho públiko bira konosí.