WILLEMSTAD.- ‘Kuenta i Tambú’ i ‘Buchi Records’ ta kontentu pa anunsiá e albùm nobo titulá ‘Rais’.
Fundadó di ‘Kuenta i Tambú’, Roël Calister ta splika ku e uso di e palabra ‘Rais’ ta pa nan e deseo pa e albùm por yega na e orígen di e músika tradishonal di Kòrsou.
Gran parti di e grabashon a tuma lugá na Kòrsou ku kolaborashon di diferente drùmer, kantante i un kor di mucha.
Un kantidat di e ‘tracks’ ta presentá músika bibu graba a kambio di ‘loops’ prosesá, esaki pa tene e grabashon spontáneo, den un atmósfera original i duna outentisidat musikal na e albùm.