Update2:

WILLEMSTAD - Relashoná ku un kaso di atrako ku a tuma lugá dia 27 di yüni 2023 na e pakus ‘Uptown’ den Breedestraat (P), polis a hasi un detenshon. Awe mainta alrededor di 04.15’or, Tim di Aresto a hasi detenshon di e hòmber sospechoso T.R. di 33 aña di edat nase na Kòrsou.

E detenshon a tuma lugá den Brionweg. Despues di e detenshon, personal di e Tim di Atrako a tene un entrada hudisial na e adrès i a konfiská artíkulonan ku ta importante pa e investigashon. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

Update:

WILLEMSTAD - Relashoná ku un kaso di atrako ku a tuma lugá dia 13 di yüni 2023 na un toko den Kirindongo Abou, polis a hasi un detenshon.

Djabièrnè 21 di yüli 2023 alrededor di 06.10’or, Tim di Atrako a detené e hòmber sospechoso J.P.K. di 15 aña nase na Kòrsou.

E detenshon a tuma lugá na Sapaté.

Despues di e detenshon, reshèrshinan di e Tim di Atrako a tene un entrada hudisial i a konfiská artíkulonan ku ta di importansia pa e investigashon.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

WILLEMSTAD – Awe mainta tempran vários unidat di Kuerpo polisial a sali direkshon di diferente adrès pa kasonan ku ta den investigashon. Na un adrès na Kirindongo Abou Atrako Tim huntu ku e Tim di Joyriding a drenta un kas i konfiská vários artíkulo importante pa nan investigashon. A detené un hòmber sospechoso na e adrès. Promé ku esaki tambe tabatin un entrada hudisial na Brionweg unda únikamente a bai ku un baiskel. Esaki lo ta relashoná ku e kaso di robo di e negoshi ‘Uptown’. E kaso konosí komo Uptown ta e kiebro di e pakus den sentro di siudat, den kaya grandi di Punda ku a bira víktima di ladronisia kombiná ku destrukshon formal. Na e okashon ei ladronnan a kibra glasnan pa asina por drenta i hòrta hopi paña di marka. Despues Tim di Aresto huntu ku Tim di Atrako i reshèrshi a bai Seru Fortuna unda a bai na un kas relashoná ku un kaso di un hòmber morto. No tin muchu informashon ainda kua kaso spesífiko esaki ta. Na e kas aki no a logra haña nada.