WILLEMSTAD.- Bosero di Kuerpo Polisial i alabes miembro di Plataforma ‘Edishon 50 di Karnaval di Kòrsou’, sr. Imro Zwerwer a indiká ku Kuerpo Polisial di Kòrsou ta kontentu i honra pa forma parti dje plataforma.
‘Nos a hasi hopi kos banda di otro, semper bai por mehorá i focus riba e aspekto di kalidat. Tin espasio pa nos traha huntu for di kuminsamentu pa evitá situashonnan ku por evitá huntu ku tur otro partnernan p’asina nos tambe kontribuí na un Karnaval grandi.
Sigur e aspekto di órden públiko i siguridat ta keda pa nos e punto di mas importante. Nos lo duna nos aporte i yudansa p’asina nos por engrandesé nos Karnaval mas i mas e aña aki’, asina sr. Zwerwer a terminá bisando.