WILLEMSTAD.- Bida tin buèltanan straño, e ser humano ta biba ku sierto deseonan den bida, pero hopi bia e deseo ei por kambia, resultá esun ku por hasi doló, desesperashon, desilushon i asta frustrashon.
Un historia kaminda dos kolega di trabou i alabes bon amigu i amiga, ku ta kompartí tur nan eksperensianan di bida ku otro,
E kabayero Claudio ta un chupa flor, ku konstante e ta okupá su mes ku otro muhé i su amiga Laura un muhé independiente i tin su mira diferente entre relashon di hòmber i muhé i asta ku ta pone pensa ku no ta eksistí niun hòmber perfekto.
Pero atraves di tempu Claudio e pika flor a kuminsá namorá di Magali un kolega ku a bin traha resien na e empresa ku e i Laura ta laborá, buèltanan straño ku semper bida ta ofresé, ta manifestá, Laura tambe su sintimentu a kuminsá menas’é despues di ta mira kon su amigu Claudio su relashon ta krese poko poko pe kolega nobo Magali.
Laura ta pone tur tipo di trampa den kaminda pa stroba e relashon ku e no tabata deseá promé, pero di pronto a kuminsá transformá bira un pesadia den su bida…aki e elemento yalusí i egoismo ta manifestá pa un persona ku e no tabata deseá promé komo su hòmber, sino un bon kolega i amigu.
Esaki ta e liña kòrá di e tremendo historia titulá: ‘Kuidou ku loke bo ta deseá’ ku lo estrená riba Kanal Elouisa, tradusí, adaptá i dirigí pa Anthony Jamanika.
Protagonisá pa: Lilimar Valencia, Kelvin van Kimmenaede i Nishanty Lucasius.
Aboná riba kanal Elouisa,( 85 TDS) disfrutá di un produkshon nobo den idioma Papiamentu.