WILLEMSTAD.- ‘DEN E BEMBE’ tin konfirmá ku kuminsamentu di luna di Aprel e popular ‘Grupo Extra’ lo ta na Kòrsou pa un presentashon. ‘DEN E BEMBE’ a risibí informashon ku tin un proyekto grandi ku pa otro siman lo keda presentá. Un evento ku lo bai pone públiko move di Otrobanda pa Punda i visevèrsa segun nos por a komprondé. E evento ku lo dura tres dia lo tin presentashon di diferente artista lokal i tambe internashonal. E evento lo ta dirigí riba tantu e públiko hóben komo esnan mas madurá, loke ta sumamente importante ora bo ta organisando kualke evento, pa tin e ‘crossover’ di edat. E tep ku nos a risibí i ku despues a keda konfirmá tambe ta e presentashon di ‘Grupo Extra’ ku tin e gran éksito di momentu ‘Me Emborracharé’. Nan lo tei i huntu ku nan lo tin sigur dos sorpresa grandi mas, un di nan lo pone hubentut aribabou i e otro lo pèrkurá pa esnan mas madurá bai kumpra karchi pa rekordá éksitonan grandi di dékada 80 i kuminsamentu di 90. Keda pendiente pa bo risibí mas informashon riba e evento ku lo pone bu krusa brùg!.