WILLEMSTAD.- Djabièrnè anochi a tuma lugá e elekshon di Rei i Reina Tiner 2020. Un total di tres duo a kompetí den e elekshon i na final dje anochi e hurado a skohe Kyon Chirino i Rashailis Martis komo ‘Rei i Reina Tiner 2020’. Kyon i Rashailis a gana tambe e premio pa mihó Talento 2020.
E premio di promé finalista a bai pa Eithelson Cadeau i Rishaina Adamus Troeman. Rishaina a gana e premio di Reina Simpatia. Nan a gana tambe premio pa duo Mas Popular i Trahe Mas Kreativo.
Dievenier Hamen i Roshainy Windster a resultá e di dos finalista. Dievenier a gana premio di Rei Amistoso. Huntu nan a gana premio di Duo Dinámiko i Trahe mas Impaktante.