ATLANTA.-  Kyrsha ta sigui impreshoná ku su partisipashon na Miss Universe. Ayera nos flamante Miss Universe a bishita ‘Children’s Healthcare of Atlanta’ kaminda e kandidatanan di Miss Universe a hasi un bishita di kortesia.
Training pa e sertámen final tambe a kontinuá i ayera nochi nan a bai sena i presensia un show di ‘Cirque du Soleil’.
Pa awe despues di desayuno e partisipantenan lo tin kombersashon ku hurado.
Mayan djabièrnè ta fecha pa e anochi preliminar di Miss Universe, for di djabièrnè bo ta kuminsá haña un impreshon di loke por spera komo resultado pa djadumingu anochi.
Fanátikonan di Kyrsha a kuminsá yega Atlanta i bou di nan tin un espektativa basta haltu pa ku e partisipashon di nan kandidata faborito. Tur klase di éksito na Kyrsha!. Riba potrètnan nos por tuma nota dje trahenan ku Kyrsha a bista ayera.