MERKA.- Siman pasa Lady Gaga a lansa su sensio ‘Stupid Love’ i dje forma ei ta hasi su regreso den músika Pop elektróniko.
E último albùm di e kantante merikano, ‘Joanne’ a keda lansá na 2016. Despues di esei komo aktris el a aparesé den e pelíkula ‘A Star is Born’. Pa e ‘soundtrack’ dje pelíkula el a graba na duo ku Bradley Cooper e kansion ‘Shallow’ ku kua el a gana un Oscar.
Lady Gaga a kuminsá su karera na 2009 ku éksitonan manera ‘Just Dance’, ‘Poker Face’ i ‘Paparazzi’. Te ku aworakí el a produsí 5 albùm i a logra éksito grandi ku kansionnan manera ‘Born This Way’, ‘Bad Romance’ i ‘Telephone’.