WILLEMSTAD.- Djaweps siman pasa Grupo L’Ambiance a presentá su trahe pa Karnaval 2020. ‘Festive Indians Fantasy’ ta e trahe pa e selebrashon di 50 aniversario di Karnaval di Kòrsou. Otro aña ta e di 4 bia ku L’Ambiance tei partisipá na Gran Marcha di Kòrsou. E grupo pa 2020 lo ta parti den tres sekshon, un sekshon VIP, un sekshon Individual i e sekshon di goso. Tin dos modèl di trahe pa dama i pa e kabayeronan tambe tin dos modèl di trahe. Pa mas informashon i pa djòin L’Ambiance bo por yama Chey na 696-2197 òf Mili na 515-1253. Dj Black ta enkargá ku animashon musikal pa L’Ambiance.