WILLEMSTAD.- Djadumingu 19 di novèmber lo tin e lastu funshon di e obra infantil Belinda Laba Limpi na La Tentashon 3’or di tardi.
Belinda Laba Limpi ta un obra spesialmente pa muchanan i naturalmente pa henter famia. Belinda ta un mucha muhé masha lif mes ku ta laba paña ya asina e por yuda hendenan ku tin kosnan hopi importante pa hasi. Den su labamentu di paña e ta bin konosé Bartolo un mucha hòmber ku ta kuida kabai. Nan ta bira hopi bon ku otro i Bartolo ta logra reskatá Belinda for di señora Nanishi Punta. Un señora masha poderoso i riku.
Ku presentashon di Lilimar Valencia (Belinda, Chritefer Rondei (Bartolo), Rayzhana Martha (Nanishi Punta), Rudley Sambo & Raymick Martha ( Bombokati)
Un obra adaptá pa Diana Lebacs i dirigí pa Franklin Salgado.
Henter famia bin pasa un ratu agradabel ku Belinda Laba Limpi djadumingu aki 19 di novèmber den La Tentashon. Nos ta warda bu!
Karchi ta optenibel na Zona Kultural (teatro Luna Blou). Pa mas informashon por yama 462-2209.