LATAM TA PAGA BUT DI 22 MION DOLER

SANTIAGO, CHILE, AP.- E aerolínea komersial LATAM lo paga but di 22 mion dòler na Securities and Exchange Commision ( SEC) i na Departamento di Hustisia merikano (DOJ), pa un pago ku esaki no a hasi un dékada atras. Asina a informá djaluna ofisialmente.
Un komunikado korporativo di LATAM a bisa na Chile ku a yega na akuerdonan voluntario ku SEC i DOJ pa resolvé e investigashonnan tokante algun pago di LAN Airlines S.A. di dies aña pasa pa un konsultor tokante materialnan laboral na Argentina.
E akuerdo ta kontemplá e pago di 12,75 mion dòler na DOJ i 6,7 mion dòler na e Komishon di Balor di mas di 2,7 mion dòler pa interes na SEC, ku ta tuma lugá dentro di dies dia. E kanselashon di SEC a keda dividí den dos kuota, segun e kompania a splika na konsultantenan di AP. E komunikado korporativo ta agregá ku e akuerdonan ta kontemplá un konsultor eksterno pa e kumplimentu di materianan di Compliance i kontròlnan kontabel interno pa un periodo di 27 luna. Despues di e investigashon, ámbos agensia a konkluí ku LAN “no a kumpli ku e norma spesífiko di FCPA ku ta eksigí empresanan di realisá i mantené registronan kontabel eksakto, ademas di un sistema adekuá di kontròlnan interno”.