WILLEMSTAD.- Despues di un gran fin di siman di debut, di e komedia ‘online’ titulá : Ken a operá bo, siruhano o karnisero?, e fin di siman akí tin 3 funshon mas.
E obra skibí pa Jasmin ‘Jenny’ Inecia ta trata dos karnisero ku a disidí na bira siruhano, debí ku tur hende ke drecha kurpa awendia. Lau ku Mando ta purba yuda tur hende, tantu hòmber komo muhé, pero milager si nan no por hasi.
Hopi hende na Kòrsou, Hulanda, Bonaire, Aruba i hasta Merka ya a gosa di tremendo obra den fin di siman tras di lomba.
E wikènt aki por wak e obra atrobe fasil ‘online’, riba djasabra 14 di novèmber pa 21:00, djadumingu 15 pa 16:30, ku ta un orario spesial pa tur esnan na Hulanda ku a pidi i djadumingu anochi 21:00

Pa karchi virtual por manda un WhatsApp na +5999 5402627 òf yama +5999 5184382. Por manda un ‘e-mail’ tambe na morganonlinecw@gmail.com

Bo por hasi bo pago via banko, kèsh i tambe na Hulanda mes. Ademas durante ora di trabou por pasa tambe na  Brickle Nails, pegá ku e ATM den e edifisio di Tesoro Building (Rooseveltweg) pa kumpra bo karchi virtual.
Probechá e wikènt akí atrobe, sintá trankil den bo kas i wak e tremendo komedia riba bo ‘smart tv’, bo laptop, mobil o tablet. Den 3 paso fásil bo kla pa disfrutá di e hazañanan di Mando ku Lau den e tremendo obra ‘Ken a operá bo, siruhano o karnisero?’