WILLEMSTAD.- DJOJACMC Foundation den koperashon ku Fundashon NAAM, Kas di Kultura i UNESCO lo selebrá “Dia Internashonal di Jazz” huntu ku pueblo di Kòrsou den e evento ‘Legacy of Jazz in Curaçao’. Esaki lo tuma lugá dia 30 di aprel próksimo for di 4’or di atardi na NAAM.
‘Legacy of Jazz in Curaçao’ ta e promé evento ku DOJACMC Foundation ta organisá e aña aki pa rekoudá fondo pa nan proyekto di mucha: ‘3-LC Look, Listen & Learn’.
E produkshon aki di ‘The Jazz Legacy’ ta dediká na dos músiko klásiko di Kòrsou, Julian Coco i Edgar Palm i na defuntu Jose “Uti” Gregorio.
Sr. Richard Doest i sra. Edna Monifa Willekes-King lo habri e evento ku dos ora di charla.
Despues lo sigui ku ‘Jazz and Creative Music Concert’ ku aktuashon di saksofonista lokal di Jazz, John James Willekes dirigiendo un kinteto distinguí di artistanan lokal di Jazz. E konsierto lo kuminsá pa 6.30 di anochi.
For di 3’or di atardi por bishita e eksitoso eksposishon “Isla den nos Bida” na NAAM.
Pa karchi i mas informashon por tuma kontakto ku sra. Monifa Willekes na 510-1254 òf Fundashon NAAM na 462-1933. Karchi entrada pa e evento ta optenibel na NAAM, Kas di Kultura i na Mensing’s Caminada.