ORANJESTAD.-Na Aruba outoridatnan a publiká un dekreto ministerial den kua ta indiká ku konsiderando e echo ku djabièrnè 25 di yüni próksimo lo tin elekshon pa Parlamento na Aruba, i den kuadro di mantenshon di órden publiko ta dekretá lei seku.

Esaki ta nifiká ku ta prohibí pa bende, entrega i sirbi bebida alkohóliko. Un eksepshon riba e medida aki ta pa hotèlnan ku por sirbi bebida alkohóliko na nan wéspetnan ku no ta residente di Aruba. E lei seku ta drenta na vigor djaweps 24 di yüni 6’or atardi i ta keda na vigor te djasabra 26 di yüni 6’or di mainta. No ta permití pa bende ni sirbi bebida ku un nivel abou ni esnan ku nivel mas haltu di alkohòl durante di e lei seku aki.