WILLEMSTAD.- Pa mas ku ocho aña kaba Gold Medal Taekwondo Foundation, enkabesá pa Audy Muller ta duna muchanan lès di e arte di man ku pia, taekwondo, na sala Don Bosco, situá na Buena Vista.

Audy Muller kende ta kampion Panamerikano na aña 2008 i medayista di vários otro kompetensianan internashonal, ta premirá ku 2017 ta bira un aña fruktífero mirando tur e kompetensianan nashonal i internashonal na kaminda.

Audy Muller ta kere ku taekwondo ta e deporte ideal pa yuda e muchanan ku nan kresementu personal, ademas di yuda subi nan outo estima i konsentrashon na skol komo tambe yuda den e parti di disiplina. Tur esakinan, segun e ta asentuá, a keda probá ku hopi biaha e propio mayornan papiando riba esaki.

Pa aña 2017 lo bai tende hopi di Gold Medal Taekwondo Foundation ku su aktividatnan.

E tim aki di taekwondo ta train tur djaluna i djárason anochi di 6’or pa 7’or den Sala Don Bosco, na Buena Vista.

...Muchanan di Gold Medal durante seshon di training den Don Bosco...