WILLEMSTAD.- Artista Levi Silvanie ta invitá tur fanátiko na Kòrsou pa t'ei presente na su hasimentu di aña, i tambe na e di 10 aniversario di su promé albùm 'Different'. "Levi Silvanie's Backyard Bday Bash" ta tuma lugá na Mr. Porter Street Cafe na Nieuwestraat, Willemstad, Curaçao, dia 11 di novèmber 2023, i ta kuminsá for di 19:00 or te ku 1:00 or AM.

Levi Silvanie, hopi konosí den e mundu di músika di Kòrsou, no solamente ta marka un aña mas di su bida, pero tambe ta selebrá e remarkabel 10 aniversario di su promé albùm, 'Different.' E albùm akí tin un lugá spesial den kurason di su fanátikonan, inkluyendo éksitonan manera 'Djis Mi Mes,' 'Ami Ta (Kòrsou),' i 'Pret Di Paden.'

E músika di Levi a resoná serka e hende no solamente di nos islanan pero tambe internashonal. E evento aki ta prometé un testigu di su influensia duradero. Loke ta distinguí "Levi Silvanie's Backyard Bday Bash" entre otro ta e konsepto inovativo - transformando e terasa na Mr. Porter hasié Levi su kurá di kas. Hinter Kòrsou ta invitá pa un anochi memorabel tambe inkluyendo Randal Corsen i Zoinx, ku a kompartí un kaminda kreativo ku Levi pa mas ku un dékada. Nan prestashon kolektivo no ta nada ménos ku impreshonante i nan lo trese atrobe nan sinergia mágiko riba stage.

Tambe e inklushon di Tera Kòrá, un DJ kurasoleño tokando riba e senanan mas grandi mundialmente. E lo kaba e anochi ku un sèt DJ enérgiko, den estilo. E evento akí no solamente ta un selebrashon di músika, pero tambe un gratitut di kurason na e komunidat ku a sostené Levi Silvanie durante su kaminda. Den e espíritu di gratitut, entrada na e evento lo ta grátis. Ademas, bo ta bon biní pa trese bo amigunan i famianan.

Uniko kos ku nos ta pidi ta pa bo registrá pa sigurá ku tin sufisiente espasio pa tur hende. Uni bo mes ku nos na Mr. Porter Street Cafe dia 11 di novèmber 2023, for di 7 or di anochi te 1 or di mardugá, miéntras nos ta bin huntu pa onrá un dékada di e herensia musikal inkreibel di Levi Silvanie.

E ta primintí un anochi di bon músika i bon rekuerdo. No pèrdè "Levi Silvanie's Backyard Bday Bash." Registrá awe mes i forma parti di un selebrashon musikal manera niun otro. Pa registrá pa e evento i pa mas informashon, bishitá https://www.eventbrite.co.uk/e/747640953217?aff=oddtdtcreator

... dj Tera Kora ...