WILLEMSTAD.-  Despues di simannan largu di kampaña i akshon ku e Volkswagen T-Cross, djasabra último e outo a wòrdu rifá na e di sinku edishon di e grandioso Jump-in Hak'e. Lianne Pauletta a resultá e felis ganadó di e Volkswagen T-Cross 2020 nobo nobo.
Lianne tabata asina felis na momentu ku el a tuma nota ku el a resultá e ganadó di e Volkswagen T-Cross.
Ayera tardi e’la risibí su outo ofisialmente na e showroom di Volkswagen na Seru Loraweg. Aparte di e outo e’la risibí su seguro di outo serka Nagico Insurances Curaçao na balor di 2020,- NAF i tambe 500 florin na gasolin.
Cheyenne Antersijn tampoko no a bai kas man bashí. Di parti Volkswagen Cheyenne a risibí un "weekend stay" na Santa Barbara Resort pa asin’ei por reflehá riba e temporada di karnaval.
Ku e premionan aki Volkswagen Curaçao no ta kontribuí solamente na e festival di Hak’é, pero tambe na e fiesta di mas grandi di Kòrsou kual ta karnaval. Despues di 2 dia di selebrashon Hak’é, pa nos ta un plaser di por a traha huntu ku e organisashon di Hak’é.