BERLIN, AP.- Lidernan di Gran Bretaña i Alemania a uni ku aliadonan merikano pa asina kritiká e òrdu ehekutivo di Donald Trump, di prohibí entrada di refugiadonan i imigrantenan di paisnan musulman den Merka.

Promé minister britániko Theresa May no ta di akuerdo ku e òrdu di Trump i mester konfrontá e gobièrnu merikano si e medida tin efektonan atverso kontra británikonan, segun un bosero. May a duna e komentario ofisial aki, despues di a ninga pa kritiká e desishon di Trump durante su bishita na Turkia. Mary a bisa na Turkia ku e desishon tabata un asuntu eksklusivo di Merka.

Kansier aleman Angela Merkel tambe a lamentá e òrdu.

“E ta konvensí ku e lucha nesesario kontra terorismo no ta hustifiká pa pone hendenan di orígen spesífiko òf fe en partikular bou di sospecha general”.

Un di e promé lidernan pa duna su opinion, protestando e idea tabata presidente franses, Francois Hollande, kende a bisa djasabra ku “si Trump ta rechasá yegada di refugiadonan, miéntras Europa ta kumpli ku su deber, nos mester kontest’é”.

...Theresa May...