WILLEMSTAD.- Lily Clarisa, mihó konosí komo Lilith, a lansá  su segundo "EP" (Extended Play), "Breathe", un kompilashon den e género "folk" i "indie".

"Breathe" ta un "EP" (reprodukshon ekstendé) ku ta kontené kuater kansion enfokando e libertat personal despues di terminá un relashon tóksiko.

Kerven Dammers òf Kevv e kantante i eskritor kurasoleño a produsí i meskla e kuater kansionnan di e "EP" huntu ku e guitarista akústiko rubiano, Cedric Dirksz.

E grabashon di e kansionnan "I Feel It Too", "Visit Her" i "Breathe" a tuma lugá na studio di Kevv. na Delft, Hulanda. Algun di e grabashonnan pa e kantika "Come Here" a tuma lugá na Studio 8 na Aruba.

Lily Clarisa su promé "EP", "Illuminated Darkness" (2021), ta kompañá pa Lily su buki di poesia premiá. Den "Illuminated Darkness" Lily ta kolaborá ku diferente artista di Kòrsou, entre otro; Josh., Jules, Kevv i Zel.

Axlblessed tabata enkargá ku direkshon i filmamentu di e vidionan musikal di "Illuminated Darkness".

E kolekshon di poesia premiá, "Illuminated Darkness" (2020) ta disponibel na Van Dorp/De Wit, PlazaBookshop, Mensing’s Caminada, Bruna, riba Bol.com i riba Amazon.nl.