WILLEMSTAD.- Lavish Events & Services den koperashon ku serbes Presidente, United Distributors i MKK Car Rental ta presentá un grandioso evento di músika urbano djasabra 10 di novèmber próksimo.  E mega evento aki lo bai tin presentashon di e gran artista di músika “dembow” direktamente for di República Dominicana ‘Lirico en la Casa’.
Artistanan
Huntu ku e artista ‘Lirico en la Casa’ lo bai tin presentashon riba e anochi tambe di nos artista nan lokal ku ta Dongo, MRaizz, i konosido DJ nan Krokzz , Carlito i MC Chris Strick. E anochi aki tambe lo bai tin debut di e artista Bauco kual ta un artista nobo di e record label Decoded i tambe lo bai tin “surprise act”.
E públiko ku lo bai ta presente sigur lo bai disfrutá di un evento urbano na nivel haltu. Ta bon pa bisa ku Lirico en la Casa ta hopi konosí pa su kantika nan ku a subi yega den tòp di popularidat den Latino Amérika, Merka i tambe Europa manera ‘Marianela’, ‘El motorcito’, ‘Muévelo’ i ‘Súbete’. Lirico en la Casa na e momento nan aki ta di gira mundialmente i lo inkluí Kòrsou tambe den esaki.
Sitio
E evento aki ta hiba e nòmber “Unica” i lo tuma lugá den UrbanVenue (anteriormente district1850/ patras di The Movies).
Entrada
Early birds tickets na e momento aki ya kaba ta ‘sold out’. Karchi pa e sekshon general ta optenibel na Pompstation Sta. Maria, Mensing’s Caminada i Make a Change Barbershop na Fokkerweg. Karchi nan VIP single ta optenibel na Mensing’s Caminada. Pa mesa di VIP i Lady Table por yama e number 685-0650.

Por risibí tur detaye di e evento aki riba e página di Instagram lavisheventscuracao, facebook: Lavish Events & Services i tambe riba página di curacaoshowbizz.