WILLEMSTAD.- Un kantidat masha grandi di persona a partisipá na e kampaña di EXTRA pa Rei ken lo sali e ‘Rei òf Reina di Tumba 2020’. Den tur esnan ku a partisipá nos a logra saka 104 formulario ku tabatin e kontesta korekto.
E 104 formularionan a wòrdu poné huntu i for di nan nos kolega Liesje Trinidad a saka e formulario di Lisette Lindeborg ku a resultá e ganadó dje kampaña.
For di aki EXTRA ke felisitá Lisette i gradisí e grupo grandi di lektornan ku a partisipá na e kampaña. Próksimamente, e entrega di premio lo tuma lugá.
Danki na Esperamos Supermarket ku ya pa algun aña ta e spònser di e tremendo kampaña aki.
Lisette kuminsá prepará pa bo bai selebrá Karnaval ku bo grupo di famia i amigunan.