MERKA.- E kantantenan Will Smith i Nicky Jam, huntu ku e kantante Era Istrefi di Albania/ Kosovo ta e intérpretenan di e tema ofisial di Mundial di Rusia 2018, ‘Live It Up’, produsi pa dj Diplo.
Mañan lo estrená e tema riba diferente plataforma musikal, miéntras ku e video lo keda estrená dia 7 di yüni próksimo, esaki lo duna e fanátikonan di futbòl sufisiente tempu pa nan siña letra di e ‘himno’ di mundial 2018.
E aktor merikano, e kantante di reggaeton i e artista di Albania lo partisipá den un espektákulo ku lo keda selebrá dilanti di 80 mil fanátiko den e stadion ‘Luzhniki’ di Mòsku dia 15 di yüli próksimo, djis promé ku e wega final.
Philippe Le Floc'h, direktor komersial di Fifa a sigurá ku e sinergia entre futbòl i muzik ta sorprendente i ámbos ta spièrta e emoshon di afisionadonan di rònt mundu.
E último dos temanan ofisial di Mundial di Futbòl tabata ‘Waka Waka Waka (This time for Africa” di Shakira na 2010 i ‘We Are One (Oel Ola) di Brasil 2014.