LONDON, AP.- Míles di manifestante a protestá ku muestra di furia i ironia, den área di e edifisionan di gobièrnu pa protestá kontra e bishita di Donald Trump na Reino Uní. E presidente merikano a reuní ku promé minister Theresa May.
Feminista, ambientalista, aktivistanan di pas, sindikalista i otronan a manifestá kontra e kaluroso bonbiní ku Trump a haña, un persona ku ta wòrdu konsiderá komo un peliger pa mundu.
E dia di protesta a kuminsá ku un globo gigante representando Trump komo un beibi rabiá. E globo a lanta di e yerba den sentro di Plaza di Parlamento na London. E tabata den laira den sentro di Plasa di Parlamento di London.
E protestanan a tuma lugá riba Plasa Trafalgar i Avenida Whitehall, kaminda tin vários ofisina gubernamental.
