Un felis djárason na nos lektornan...

E obra di Pachi Damon i Grupo Pro Arte ‘Deskriminashon’ ta pendiente pa 2 presentashon na Aruba...

Ta remarkabel ku e merkado pa obranan humorístiko tantu na Kòrsou komo na Aruba i Ulanda ta basta grandi i bon...

E último 2 añanan aki ta basta dje obranan kómiko ku a biaha pa presentá sea na Aruba òf na Ulanda...

Djadumingu awor tin presentashon di trahe di Crazy Diamonds...

Ma komprondé ku esaki lo tuma lugá parti mainta, esaki debí na e tema ku e grupo a skohe pa presentá pa Karnaval 2019...

Mañan lo mi tin mas detaye di esaki den ‘DEN E BEMBE’...

Nan ta trahando riba e konsepto di presentashon ku lo ta algu otro for di loke a kustumbrá...

Ta interesante pa wak kon e repartishon di partisipantenan na Karnaval lo ta den e diferente gruponan di Karnaval...

Basta grupo a presentá modèlnan di trahe ‘sèksi’ ku e intenshon di atraé e damitanan ku ‘bon kurpa’ pa nan grupo...

Pa 2019 nos no ta mira un kresementu di partisipantenan na Karnaval, pero mas bien ta pendiente pa mira kon e grupo di mas o ménos 3 mil partisipante lo bai repartí nan mes den e gruponan...

Hopi hende a bai hasi ‘window shopping’ serka tur grupo ku a presentá nan trahe i ta para evaluá e ambiente ku tin...

Gruponan pa nan eksistensia ta buskando tur manera pa haña e grupo di hóbennan profeshonal pa dje forma ei duna nan grupo un kontinuidat...

Otro gruponan nan miembronan ta birando grandi i ta pone ku nan tambe ta man na kabes...

Resientemente den kombersashon ku un lider di grupo el a bisa mi ku nan a traha trahe pa atraé hóbennan i su djaluna despues di presentashon di trahe un dama di 75 aña, karnavalista di tur tempu a yama pa inskribí den e grupo...

Shon Lider a keda man na kabes, e di ku mi ku el a spera reakshon di hóbennan i awor ta e shonnan grandi yen energia a mèldu promé...

Un saludo pa e gai ku a ‘compress’ tur e kanalnan di e mixer buta ku kasi mester a reset e mixer pa kuminsá drecha zonido di banda...

Ora un mucha bisa bu ku e por stür un dòmtrùk, chèk wak si e tin reibeweis pe kore e kos ei...

Ko’i hunga muchu grandi òf muchu karu den man di mucha ta kos masha peligroso...

Festival di Tumba Hubenil a risibí dje tantu inskripshon di kalidat pone ku Fundashon Alelimo mester organisá dos dia di evaluashon pa dje forma ei yega na e kantidat di partisipante deseá pa Festival di Tumba Hubenil 2019...

Feco i Hildo tambe ta kla pa kuminsá bende karchi pa Festival di Tumba 2019...

Nan ta kontentu ya nan a anunsiá Licores Maduro komo un ‘branding partner’ ku a konfirmá nan partisipashon komo spònser den Festival di Tumba 2019...

Nos tei move, dianan ta pasa dje lihé ei ku wikènt ta den bògt ei kaba!...

Te djabièrnè ku Dios ke...