Un felis djabièrnè pa tur nos lektornan...

Ayera nochi Grupo Zjangilae a presentá nan trahe pa Karnaval 2019...

Ludson i su grupo a bai Antártika i a produsí un bunita trahe...

‘Ice Kingdom’ ta nan tema i manera kustumber nan lo keda animá pa DJ Bradley...

Ayera tardi a tuma lugá e presentashon dje evaluashon ekonómiko di Curaçao North Sea Jazz Festival...

E impakto ekonómiko di riba 12 mion dòler ta algu hopi grandi...

No ta wega, anto ora bo tende ekspertonan splika ku e organisashon a pèrdè chèns pa logra mas entrada debí na faktornan eksterno manera no tin sufisiente buelonan for di paisnan den region, e echo ku tabatin 3 hotèl ku a sera i preis di pasashi por ehèmpel for di Merka demasiado karu...

Despues dje presentashon ma te hasta di un hotèl ku a pone su preis di kambernan na 600 dòler pa anochi...

Un biaha mas a keda demostrá e importansia di un festival manera CNSJF...

E sosten ku e festival mester sigui haña mester amplia...

Si bo djis tende kuantu empresa grandi ta benefisiá for di e bolo, ta na su lugá pa nan djòin i hasi e festival aun mas grandi...

Di mes e festival tin un plafòn, esaki debí ku e área ta tuma un máksimo di 12 mil hende, pero e kantidat aki ta sufisiente pa bo realisá ku mester pone kabesnan huntu pa sigui engrandesé e festival...

E kalidat di turista ku ta bini Kòrsou tambe ta gasta aki, esei a keda komprobá ora ku a nota oumento den kuantu sèn ta keda gastá i ku esaki a surpasá e último edishon...

E análisis ku a keda presentá ayera lo risibí atenshon di ‘DEN E BEMBE’ durante dje dianan ku ta sigui...

E análisis profundo aki tin diferente punto di atenshon ku ta duna bu un bista kla di kon importante e evento aki ta pa Kòrsou...

Gigo Martinez ta lansa awe un homenahe na ‘Andre Hazes jr’...

Durante dje wikènt aki lo tin 2 sertámen, Mini Beauty i Mini Teen H2O Ambassador...

Djadumingu awor pa 11 or i 11 minüt di mainta Grupo Crazy Diamonds lo presentá nan trahe pa Karnaval 2019...

Djadumingu ta 11 di novèmber, fecha ku internashonalmente ta keda usá pa duna inisio na temporada di Karnaval...

E grupo a skohe e fecha i ora pa presentá nan trahe na Curaçao Zoo...

Sòru pa bo tei na ora pa bo por apresiá e presentashon ku nan lo tin...

Tin un banda ku ta pasando den un restrukturashon den pura, esaki despues ku nan a enkontrá problema ku e tim di maneho...

Nos tei move, disfrutá di bo wikènt, sali i dibertí, tin aktividat pa tur edat...

Te djaluna ku Dios ke !...