Un felis djabièrnè pa nos lektornan...

AMAK a bin aden pa loke ta trata e prosedura pa haña pèrmit pa gruponan di Tambú i Aguinaldo...

Nos a antisipá e situashon aki for di komienso dje temporada...

Tristu dje situashon ta ku a tuma medida kontra di un persona pa motibu ku el a sali reunion i duna deklarashon na prensa kaminda e problema a keda presentá...

Siman pasá dj Danger, lider di Los Originales a bai ‘live’ riba facebook pa trese su malkontentu ku e situashon dilanti...

‘DEN E BEMBE’ a entrevista dj Danger i su puntonan ta nèt loke ku AMAK tambe ta pidiendo, saka un lista indiká unda no pa dje forma ei tin mas transparensia...

Tremendo ta e gesto di Icons by Gio pa toka grátis den Marcha Hubenil i Despedida Hubenil i animá tres grupo hubenil...

E anunsio di Kassav, Icons by Gio i Gentz den Stadion di Rif sigur tei bira un tremendo konsierto...

Último biaha ku tabatin un konsierto grandi den Stadion di Rif tabata e konsierto di Juan Luis Guerra na 2008 kaminda organisadónan a logra di yena e stadion ku 11 mil hende...

Kassav tin su fanátikonan na Kòrsou i ta kestion di pone karchi riba merkado pa nan kumpra i huntu ku e echo ku ta promé biaha Icons by Gio i Gentz lo presentá huntu lo krea un ‘hype’ aun mas grandi...

Great pa tuma nota ku Fundashon Bon Intenshon ta duna su aporte tambe den Karnaval di Kòrsou...

Meskos ta konta pa e aporte ku Fundashon KJ-74 tambe ta duna dor di instalá e tapeit di plèstik ku a ser usá den SDK dia di konsierto ‘Summerfall’...

Algu ku nos a apresiá ayera ta momentu ku Fifi Rademaker a indiká den su diskurso despues di a keda anunsiá komo e baluarte di Karnaval 2019 ku e honor no ta di dje so, pero dje tim ku a traha huntu kuné pa krea tur e obranan grandi pa Karnaval di Kòrsou...

Mi tin un remarke riba e diskurso di Sra. Minister Alcalá-Wallé di ayera na e rueda di prensa di Karnaval...

Aña pasá a usa e ‘hashtag’ huntu pa promové e union, a pidi tambe pa Karnaval tuma lugá den tur trankilidat...

Dikon e aña aki atrobe tin ku stress riba trankilidat, siendo ku tin otro temanan di atenshon ku por a presentá den e diskurso...

Si kos ta trankil, lag’é trankil, no keda stress ku e mester ta trankil, pa e situashon no bòltu...

Gruponan ta rabiá kaba riba e echo ku tin e proposishon a ser hasí pa toka tumba henter karnaval, ayera tabata un bon oportunidat pa Minister a kita e punto aki riba mesa i indiká e ora ei si ku tin trankilidat pa loke ta trata Karnaval 2019...

Pa mi e evento ‘Bike’s with Light parade’ tin chèns di bira e kick pa Karnaval 2019, bon promoshon su tras lo bira un tremendo ambiente den kaya...

Nos tei move, felis wikènt !...