Un bon siman pa tur nos lektornan...

‘Un dia Nobo’, e produkshon musikal nobo di Randal Corsen Orchestra ta master...

Tantu na letra, melodia i areglo...

Randal i su tim ta sigui produsí na nivel, dushi hom !...

Bon ko pa habri siman kuné... lanta awe ta un dia nobo !...

Ban bek djabierne, tremendo konsierto di Ilan Chester...

E publiko a gosa foi kuminsamentu dje show ku e presentashon di Borrel Dopwell i su amigunan ku a kompaña algun hoben kantante ku a interpreta eksitonan di dekada 80...

Yentje Silvanie sigur a impreshona durante di su presentashon ...

Pabien na Qube ku presentashon di otro bon evento...

‘Kings of Hits’ a bira un berdadero fiesta kaminda ta eksitonan so a zona i un publiko gosando for di kuminsamentu te final...

E banda a kambia di musiko na un manera zeta i kantantenan a duna un super bon presentashon...

E konsepto ta un eksito sigur, awor ta kestion di wak fecha pa bolbe ripiti, paso tin hende ku no a bai i ta blo wak videoclip i lamenta...

Den final ora tumba a dal e hendenan, nan a subi stage kuminsa baila huntu ku e kantantenan...

Stage/ Tarima kon ku bo ke yame ta pa e artista, bo ta kontentu, kos a dal bu, baila bai gol abou !...

Awe ta fecha pa Stanley Clementina lansa su produkshon nobo, e promoshon riba facebook ta indika ku ela traha ku Albert Windster i ku awe ta los esaki...

Pa loke ta trata sertamennan di beyesa, na China Nazira Colastica ta hasiendo un bon papel den e sertamen di ‘Miss World’...

Nazira a keda skohe den e partisipantenan pa un grabashon di trahenan di baño...

Na Thailand, Akisha Albert, nos Miss Universe Curacao ta koutivando atenshon di tur persona ...

Akisha a keda skohe pa e famoso diseñado Sherri Hill pa e partisipa den un ‘photo shoot’ priva

Tur klase di eksito na e 2 damitanan aki ku ta partisipando den dos diferente sertamen di beyesa...

Un dje piesanan ku ta halando basta atenshon ta esun di Qshans titula ‘Den bo brasa’...

E videoclip di dje tambe ta bayendo ku basta views, riba 46 mil...

Icons by Gio tambe tin hopi views pa loke ta trata nan kansionnan ku a keda publika riba YouTube...

‘Mira nos basila’ a surpasa 250 mil views i ‘Wauw Effect’ a pasa 37 mil views den 1 siman...

Fin di aña semper tin hopi produkshon musikal na nivel ku ta keda presenta...

Pueblo sigur ta disfruta, paso tin kos nobo pa skucha i baila...

Nos tei move, bon siman pa bo, nos a drenta luna di desember i ta temporada di goso, hasie na midi !...