Un felis djárason pa tur nos lektornan...

E splikashon ku Brian Dekkers a duna durante di ‘Kabe’i Boto’ pa loke ta trata e desishonnan ku e mester a tuma den su bida tabata mas kla ku di dia e motibu dikon el a distansiá su mes for di Iglesia...

Ku esaki tambe mi ta di opinion ku mester laga Brian sigui su rumbo...

Ta fásil pa bo para na banda i kritiká òf lamentá su desishon, pero e splikashon, ounke un tiki lat, a pone ku hopi hende ta komprondé pe...

Brian, dal bai, importante ta pa bo keda e persona positivo ku bo ta i ser un ehèmpel pa hóbennan...

Great pa tuma nota kon despues di e aktividat ‘Sherry’s Foam Walk’, e organisadó a tuma e inisiativa di hasi donashon na algun instansia...

Tipiko Pasa Bon, Grupo di baile folklóriko ‘ Futuro Memoria di Kòrsou’ i ‘Curazumbi’ ta partisipando na e festival ‘Americadanza’ ku ta tumando lugá for di dia 2 di ougùstùs te ku 14 di ougùstùs na e siudat Popayan, Colombia...

E presentashon di nos gruponan ta halando atenshon di prensa kolombiano ku a publiká diferente artíkulo den korant...

Ma tuma nota dje proyekto ‘Pilotproject Leerorkest Curaçao’...

Un inisiativa pa duna muchanan na skol di fundeshi e oportunidat pa siña toka un instrumènt musikal i pa huntu forma nan propio orkesta sinfóniko na skol...

E proyekto piloto ta tumando lugá den koperashon ku ‘Stichting Leerorkest Curaçao’, Kolegio Maria Auxiliadora, Dennis Aalse i Kurá di Arte...

Na Ulanda e proyekto aki tin 10 aña aktivo kaba...

Un tremendo inisiativa ku ta yuda nos hóbennan sigui desaroyá nan talentonan...

‘Back to School Concert’ ku e formashon musikal TRUE ku e meta pa enkurashá i motivá hóbennan pa e aña eskolar nobo ta tuma lugá djasabra awor na Cine Rio...

Laga e hóbennan bai tende palabra di hóbennan ku lo enkurashá i motivá nan, huntu ku esaki lo tin un konsierto ku presentashon di TRUE, Aemy Felicia, Raigny Josephia i Willy Rodriguez...

Morgan Isenia ta entusiasmá pa start bèk na Radio...

Dia 17 di ougùstùs, Morgan lo kuminsá ku su programa ‘Morgan Mainta’ na CNR 88.9FM...

Eksito na Morgan i manera semper ‘Paparucho’ tei pa guia bu den e bon kaminda bròder...

Siman di Kultura ta na kaminda. Tur esnan ku tin kustumber di organisá evento den e siman, tuma kontakto ku Kas di Kultura pa dje forma ei bo aktividat aparesé riba na kalènder di aktividat...

Pa e amantenan di EDM, Electronic Dance Music, dj Tiesto ta dj mihó pagá di Ulanda...

Tiesto ta number 2 riba e lista di Forbes...

I pa finalisá, esnan ku ta gusta wak Netflix, Disney a tuma e desishon di kita tur su produkshonnan for di riba e kanal di streaming, nan mes tin intenshon di habri dos kanal di streaming próksimamente kaminda nan lo bai pasa tur nan produkshonnan...

Bon nos a yega na final pa awe, djabièrnè nos tei bèk...

Kuida !...