Un bon siman pa tur nos lektornan...

Awe mainta 10 or lo bo por sigui e kompetensia di Trahe Nashonal di Miss Universe via di www.missuniverse.com/watch ...

Nos Akisha Albert lo ta presentando su trahe ‘The Triumph of Sablika’ ta impreshonante i nos ta ansioso pa sa kon e ta bai skor ku e trahe aki...

E ratunan ku Akisha ta bai ‘live’ riba Facebook ta tene su fanátikonan aki na Kòrsou pendiente di tur su aktividatnan ku e ta hasiendo na Thailand...

Maske kuantu bo trata pa kontrolá bo komementu den temporada di fin di aña esaki ta bira difísil si bo ta un amante di nos kushina krioyo pa fin di aña...

E Ham di Pasku, Ayaka, Salmou, Pékele, Sùlt ta pone ku henter dia bo ta den kushina ta saka un tiki pa purba...

Bo ke desayuná mainta ku un tiki di kada i atardi bai kue anochi, bo ta den kushina atrobe pasó bo ke sigui kome...

Tin hende ku ta tene diet spesial promé ku e temporada di fin di aña, otronan ta dal bai, anto yanüari nan ta wak kon ta hasi...

‘Gio Extravaganza’ a bai bon, bon públiko riba ámbos fecha...

Gibi a pidi pa no grab’é sin pidi i tantu Lele komo Dibo a indiká ku 25 nan no ta ku Gio Legends...

Un fanátiko a indiká ku filmashon tin ora ta stroba e kantante pa basilá bon ke públiko...

Tin kantante ku ke lòs ‘algu pika’, pero mester tene kuenta ku filmashon...

Mi ta kere esei ta loke ku Gibi a referí na dje...

Nos a referí na e situashon kaba di diferente show di Pasku ku tin na kaminda, awó meskos ku fiestanan ku ta hala praktikamente mesun públiko, riba mesun dia...

Esaki sigur tei pone e públiko skohe unda e ta bai ku konsekuensia ku tin fiesta ku te hasta por para, manera a sosodé 2 siman pasá...

Rumornan infundá tambe riba sierto aktividatnan tambe ta kosnan ku no ta na nodi...

ONE a manda dos kansion nobo radio, e banda ta sigui produsí, pero nan falta e chispa òf e ayudo pa kuminsá presentá na fiestanan públiko...

Manehá banda no ta nada fásil, pió ainda si bo no sa kiko bo ta bezig kuné, na lugá di yuda bo ta stroba e banda...

Awe nos ta kòrtiku, bon siman !.