Un felis djárason na tur nos lektornan..

Ayera nochi e konsierto ‘A Night Devine’ di Kadir Snijder ku su amigunan a resultá un tremendo konsierto..

Apart ku e tabata ‘sold out’ e públiko a haña un tremendo show...

Komentarionan despues di konsierto tabata sublime...

Pabien na Kadir i e otro kantantenan ku a presentá ayera nochi...

Tin un dicho ta bisa ‘No hasi ku otro loke bo no ke pa nan hasi ku bo’...

Awèl resientemente un ingeniero di zonido konosí  ku tabatin enkargo pa mix un banda a disidí ku debí ku e otro banda ku tin ku presentá ta bai usa ‘su’ mixer ku e ta ‘delete’ tur ‘pre settings’ dje mixer pa dje forma ei hinka e otro ingeniero di zonido den problema pa por traha su zonido pa e di dos banda mas fásil...

Awó e ko ta bin, kompader a lubidá ku tin mas ku un okashon ku den desèmber aki e tin ku presentá ku su banda huntu ku e otro banda i tokando riba instrumènt dje otro banda ...

Mané ma komprondé ku e mensahe a yega serka dje kaba i tambe su lider di banda ku mihó e kana lastra rònt Kòrsou ku su mixer su tras, pasó nan ta prepará pe haña e mesun trato...

Ayera ma tuma nota di un damita kantante yu di Kòrsou, ku nòmber artístiko Nicole Bus ku tin un kansion ‘You’ ku ta zonando na radionan na Merka....

E produkshon musikal lo mester ta kai bou dje kas diskero ‘Roc Nation’ di Jay Z...

Keda pendiente pa próksimamente nos duna bu mas informashon dje damita aki ...

Awe nochi ‘Tabula Rasa’ ta presentá nan artista mayó...

E evento ku ta tuma lugá dia 5 di yanüari na Fuik Valley na Sta. Barbara...

Sterck Events ta organisando dje evento ku ta mustra di ta bai atraé un bon públiko simplemente pa e sitio kaminda e evento ta keda organisá...

Un sitio nobo ku si e bai bon ta bira sigur otro alternativa pa organisadónan di eventonan di ‘Electronic Dance Music’...

Sitionan na Kòrsou no ta mashá i e arte ta pa buska un lugá úniko pa organisá un evento i logra pa esaki keda aseptá pa e públiko...

E asuntu di ‘Mellow’ a keda ketu...

Tsean tin un fiesta ‘Mellow’ pa 25 di desèmber próksimo...

Biaha pasá ku el a presentá ‘Tur di mi pa bo’ el a logra di yena WTC ku den kareda di 2000 hende...

Awor e fanátikonan tin chèns di bolbe presensiá su show Pasku anochi...

Otro asuntu tambe ku a keda ketu ta esun di molèster di zonido...

Ku eksepshon di Brunken ku a haña pèrmit pa presentá su anochinan di Tambú i Aguinaldo na Strak Strak, mi no a tende di nada mas ku a keda reglá...

‘Louie Louie’ ta bai dal un buèlta aki, djabièrnè nos tei bèk!...