Un bon siman pa tur nos lektornan...

Siman a habri tremendo...

Ayera nochi Akisha Albert a lusi mes durante di su partisipashon na Miss Universe...

Kòrsou tabata sintá dilanti televishon ayera nochi pa por a sigui e sertámen...

Foodcourt di Sambil tabata yen i ku un ambiente tur afó...

Great pa mira kon pueblo di Kòrsou na diferente kaminda a uni pa wak e sertámen, siendo ku otro añanan esaki no tabata sosodé...

E sertámen di Miss Universe su produkshon a kambia kompletu ...

Den e grupo di 20 finalistanan e ta duna bu komo televidente un chèns di sera konosí mas aserka ku kada partisipante ...

Durante dje último simannan pueblo di Kòrsou a biba ku e partisipashon di Akisha na Miss Universe...

Tur dia por a sigui raportahe di Gionel Virginie for di Thailand, sin konta ora ku Akisha mes bai ‘live’ i kompartí su eksperensia ku su siguidónan...

Un sintimentu masha dushi mes ora ku bo mira kon pueblo di Kòrsou tabata i ta biba ku Akisha...

E vibrashon positivo a sigui te ayera nochi i mi ta spera ku lo e sigui...

Akisha a demostrá ku su partisipashon ku nos por uni pa sostené un partisipante pa un sertámen di beyesa meskos ku ora di deporte i kultura nos ta uni...

Kòrsou por mihó, su hendenan sa kon i a demostrá kon...

Ta den bida diario nos mester stòp di kibra otro i uni pa por logra kada kos ku nos ke den nos bida !...

Laos a gana e premio pa trahe nashonal, un obra espektakular...

Mas i mas mi ta hañando e impreshon mirando e trahenan dje aña aki ku kada pais ta dediká hopi atenshon na e trahe i ta trahando obranan impreshonante...

Mi ta kombensí ku e partisipashon di Akisha na Miss Universe ta un soño di dje ku a keda realisá...

Awor e portanan tei habri pa Akisha den e mundu di beyesa...

Mi ta kere firmemente ku próksimamente e lo keda aserká pa empresanan den mundu di beyesa ku lo ke konta ku su servisionan...

Akisha pabien! Bo ta un digno representante di Kòrsou i sa ku bo a logra algu hopi grandi di uni un pueblo ku a apoyá bu i a kere den bo te final...

Gionel Virginie, pabien boso a hasi un tremendo trabou...

Abo tabata e kara dje tim ku a traha duru huntu ku Akisha pa su logro grandi aki...

Kòrsou den Tòp 10 di Miss Universe ku un poblashon manera Mariano a post riba facebook di 160 mil abitante, anto tur sobrá pais ta riba 1 mion abitante...

Nos a skor hopi, pero hopi bon...

Shonnan, un bon siman, djárason nos tei bèk ku otro edishon di

‘Louie Louie’...