Siman a kòrta na dos aki, nos ta den ambiente di Pasku i Kòrsou ta karga ku evento i fiestanan ku ta pendiente pa tuma lugá e dianan aki...

Awe tardi Akisha Albert ta regresá Kòrsou i nos ta pendiente pa duna Akisha un tremendo bon biní...

Nos ta spera ku públiko lo sa di duna Akisha un bon biní...

Ma tuma nota di un enkuentro ku prensa ku lo sigui despues kaminda Gobièrnu, lesa Minister di Turismo, Sr. Steven Martina lo ta e huéspet...

Mi ta spera ku lo usa e momentum pa Ofisina di Turismo sera un dil promoshonal ku Akisha pa e ta e kara di Kòrsou pa algun proyekto turístiko...

Nos no mester pèrdè e oportunidat pa sigui promové Kòrsou i sigur despues dje logro di Akisha...

Hak’e a presentá nan evento pa 2019...

Dos dia di konsierto, 1o dediká kompletamente na Tumba i e di dos ku e ambiente di Roadfire...

Den 2019 lo e tuma lugá na Curacao Festival Center...

Manchi, Quincy i Hyacinth a primintí ku ora bo drenta Festival Center lo bo mira un otro lugá...

Feco tabata kontentu ayera nochi, e promé evento ku ta usa Festival Center komo sitio di evento, sigur un bon pia pa 2019...

Bai Hak’e i gana un outo, tremendo inisiativa di e organisadónan i nan spònser Volkswagen...

Un bon públiko a presensia e di dos presentashon di ‘E Chòpòchòpò Show’ ayera nochi na Because...

Ounke situashon tabata wanta den 2018, tòg mi ta tumando nota ku tin selebrashon di fin di aña di diferente empresa kaminda músikonan ta haña e oportunidat pa presentá...

Hopi komementu tambe, algun restorant ta haña bon rekomendashon i otronan e reklamo ta bin di sea e kuminda no ta na smak òf e kantidat ta tiki !...

Mi mas sentido palabranan di kondolensia na famianan di amigu/ kolega Haydel Goilo...

‘Batibuli’ un persona semper sosial i kla para pa yuda i siña koleganan e trikinan di trabou...

Den kombersashon ku Feco Gomes el a indiká ku e proseso pa yega na partnernan pa Festival di Tumba ta kanando bon i ku e ta spera ku manera aña bòltu e por kaba di konkretisá tur spònser pa dje forma ei e preparashon pa Festival di Tumba por tuma lugá sin niun preshon...

E di dos edishon di ‘Kaya Kaya’ e wikènt aki ta kargá ku músika...

E organisadónan a amplia e kantidat di artistanan ku lo ta presentando durante dje evento ku ta tuma lugá den Ser’i Otrobanda...

Ta premirá ku e biaha aki, meskos ku biaha pasa den Ferdinandstraat ku e evento lo atraé un públiko grandi...

Dal bo kèts i subi seru bai gosa dje tremendo ambiente durante di ‘Kaya Kaya’...

Nos tei move, djabièrnè nos tei bèk ku otro edishon di ‘Louie Louie’...