Un felis djárason pa tur nos lektornan...

Fuikdag ta e tema di siman, yen video riba retnan sosial i loke ta di lamentá ta e echo ku e videonan ku lo por sirbi komo material promoshonal pa e evento no ta risibí e atenshon, pero ta e videonan kaminda e degenerashon ta keda presentá ta esnan mas mirá...

Aña a bòltu i pa loke ta nos músikonan lokal, Festival di Tumba ta e punto di atenshon aworakí...

Reunion di AMAK a disidí ku e Festival 2019 ta keda dediká na Roy Senchi...

Roy tabata konosí pa un tumbero ku tumbanan ku areglonan sabroso, kos pa pone bu move mesora...

Djasabra último durante EXTRA i TeleCuraçao su transmishon di apertura di Karnaval e lider di O’Vega, Sherrel Semeleer a indiká ku nan banda lo no partisipá na Festival di Tumba...

Su motibu ta ku e banda mester ta bon prepará pa por partisipá i na e momentu aki e no ta haña e banda kla pa partisipá...

Amos a komponé 1 tumba so i e mes ta bai partisipá ku esaki...

E kombinashon di Amos ku Ray Lauffer no ta sigui, pero ta konfirmá si ku Ray lo ta den Festival di Tumba ku Gentz...

Ayera nochi ma konfirmá ku tin sigur un kompositor ku tin sigur 8 komposishon ...

Pa loke ta areglo ma komprondé ku tin un areglista ku a surpasá 10 areglo pa Tumba 2019...

Promoshon di diferente Jump In tambe a kuminsá riba retnan sosial...

Un temporada largu ku diferente aktividat adishonal ...

Lo bira interesante pa sa ora ku e temporada ta kòrtiku ta kon lo hasi ku e inovashon, si fechanan ta praktikamente blòkiá ku diferente evento anual...

Lions Club a tuma e desishon di posponé nan fiesta di Karnaval...

E kompetensia di Hak’e a bira algu ku e organisashon no por bai kore e rísiko pa organisá nan aktividat i pèrdè plaka ku esaki...

EXTRA ta masha kontentu ku e reakshon ku a risibí pa loke ta trata e transmishon di Apertura di Carnival Village...

Ulanda ta keda e área di forsa di e plataforma digital di EXTRA...

Pa ta mas spesífiko e área di Zuid Holland ta esun ku ta resaltá ku un kantidat grandi di ‘Extravidente’ ku a sigui e transmishonnan...

E aseptashon di transmishonnan di EXTRA ta pone ku ta sigui produsí transmishon di mas evento pa dje forma ei duna su siguidónan e oportunidat pa disfrutá di transmishonnan na nivel i ku kontenido...

Great pa por a tuma nota di e bishita di Akisha Albert, nos Miss Curaçao na su skol Eligia Martier...

Su mensahe na e hóben studiantenan tabata di balor i sigur hopi bon pa studiantenan ku ta dediká nan mes ku pashon na nan estudio...

Jeon a keda nominá huntu ku JBalvin pa kolaborashon di aña pa e piesa ‘Machika’ esaki pa Premio Lo Nuestro...

Nos tei move, tabata un plaser pa bolbe produsí otro edishon di ‘Louie Louie’...