Un bon siman pa tur nos lektornan...

Kon a bai ke wikènt?...

Djasabra anochi e ambiente di Kai orgel riba Plasa Brion tabata tremendo...

Un públiko basta grandi a bai Plasa Brion pa disfrutá dje presentashon di diferente Kai Orgel...

Ta un bailamentu formal tabatin, anto bo mester dominá e arte di balia bon, pasó subi riba dansflur pa bo bira pia si ta problema...

Great pa mira kon diferente di nos ministernan a subi dansflur pa demostrá nan arte di baile...

Bon komienso pa e aña di Kai Orgel...

Tin plan pa durante henter aña tin presentashon di Kai Orgel i eventonan relashoná ku Kai Orgel...

Tremendo inisiativa ku Kas di Kultura sigur lo sa di karga durante di 2019...

E fiesta di tambú ‘Domingu di tres Rei’ na Museo Shon Cola tambe tabata bon bishitá ayera ...

Basta hende a bai baila tambú den un dje eventonan ku anualmente ta hala atenshon...

Na Bándabou aktividatnan di temporada di Karnaval a kontinuá ku elekshon di Reina, Prens i Pancho Brindo 2019...

Ayera nochi riba Kleine Werf a tuma lugá e elekshon di Reina, Prens i Pancho talento pa e kategoria adulto...

E siman aki tin basta aktividat relashoná ku Karnaval 2019...

Pa kuminsá awe tin e rueda di prensa di AMAK pa Festival di Tumba 2019...

Tur detaye relashoná ku e evento dje aña aki lo keda divulgá i presentashon di e partnernan dje evento tambe lo tuma lugá...

E anunsio ofisial di Roy Senchi komo e baluarte na kende e festival lo keda dediká tambe ta tuma lugá awe...

Awe Feco lo tin ku duna informashon tambe riba e situashon ku a presentá tokante di transmishon di Festival di Tumba ‘PPV’...

E organisashon su meta ta pa gana plaka pa por paga e premionan ku nan ta otorgá na partisipantenan, banda, kompositor i areglistanan...

Un evento ku tin gastunan altísimo mara na dje i ku bo mester por kubri esakinan...

Mañan djamars lo ta fecha kaminda e tumberonan hubenil lo skohe nan number di presentashon...

I djaweps ta skohe number pa partisipantenan na elekshon di embahadornan hubenil...

E siman aki djasabra 19 di yanüari 2019 ta fecha pa Festival di Tumba Hubenil...

Kontrali na otro añanan e aña aki e Festival ta tuma lugá promé ku Festival di Tumba grandi pa dje forma ei duna e hóbennan chèns pa resaltá...

E idea aki ta tremendo, pero nos mester tene kuenta ku no ta tur aña lo por hasi esaki òf mester pensa bon kon ta hink’é den un kalènder ku e temporada ta chikí...

Nos tei move ...

Awe ‘DEN E BEMBE’ a kompartí i tambe publiká hopi potrèt di diferente dje eventonan di wikènt...

Te djárason ku Dios ke !...