Nos a yega wikènt...

Ensayonan di tumba a start...

Bandanan a kuminsá harma e tumbanan manera ta ser bisá...

Tin algun banda ku ta probechá pa ensayá ku e sekshon di brass ku ta wòrdu fia di otro bandanan pa dje forma ei e músikonan kustumbrá ku e piesanan pa despues por repasá e tumbanan mas lihé...

Pa otro siman nos mester kuminsá tuma nota dje yegada di e músikonan supladó venezolano ku ta bin reforsá e bandanan lokal...

E wikènt aki ta wikènt di Festival di Tumba Hubenil...

Basta espektativa pa presentashon di e 15 tumberonan hubenil...

Segun ‘Louie Louie’ a komprondé tin algun tumbero chikí ku ta bon prepará i ta kestion di warda djasabra pa nan basha nan tumba riba Kleine Werf...

Ounke e festival ta hala basta hende, ta straño ku no ta notando masha promoshon riba televishon...

Ma komprondé ku Fundashon JAG tei laga un kompania produsí e show oudiovisual i plantanan di televishon ku ke transmití mester yuda paga gastunan di promoshon...

Esaki te motibu ku te ainda no tin promoshon ta koriendo manera a kustumbrá...

Awó tur hende ta warda awe pa tuma desishon òf hinka JAG den un pèrtá pa laga e transmishon tuma lugá sin gastu pa e plantanan di televishon...

Pa loke ta pay per view di Tumba, tin algun hende ku a reklamá na Ulanda, pero mayoria lo sea pone sèn huntu paga e derechi i sinta huntu wak sigur e anochi final...

E echo ku bo por haña tur kuater dia pa wak ta pone ku tin algun ku lo fòrsa i sòru pa nan ta ON fo’i dje promé dia...

Despues di inskripshon di Tumba e ‘hype’ pa reservá i paga pa e derechi pa wak ta lanta kabes...

Kòrda ku aki na Kòrsou si mi no ta ekiboká ta awe ta último dia pa e oferta spesial di TDS, despues di awe ta preis normal tin ku paga...

Ke men yega Vinik Plasa pa bo paga preis spesial pa wak 4 dia di Festival di Tumba 2019...

Papiando di Festival di Tumba, na Aruba tambe tin Festival di Tumba...

Ta parse segun mi por a lesa riba retnan sosial ku ke implementá algun regla meskos ku AMAK tin aki na Kòrsou...

Awó músikonan di ku si ke imitá e reglanan di Kòrsou no ta problema, nan ta spera ku e pago di premionan lo ta manera Kòrsou tin implementá...

Na Aruba e festival di Kalipso ta esun mas popular i ta e ritmo ei ta loke ta dominá durante di marcha...

E Festival di Tumba di Aruba ta un tradishon di añanan, pero tòg e piesa ganadó no ta resaltá durante di marchanan...

Dreams a lòs un tremendo ‘Road Jam’ i e ta zona masha bon, bon piesa pa pone ambiente durante eventonan di Karnaval i Gran Marcha...

Ta di aploudí e desishon di ONE pa produsí un homenahe musikal pa Anselmus ‘Boy’ Dap...

‘Biba Boy’ produsí pa Randal Corsen i Dibo D ta un tremendo produkshon ku manera e meta ta pa laga hóbennan sera konosí ku un di nos baluartenan musikal...

Nos tei move, Djaluna nos tei bèk den Gran Forma...