Un felis dia na nos lektornan..

Karnaval ta den su siman di goso, e baidónan di jump in ta den nan gloria..

Ora bo wak, nan tei na tur, nan si ta gosa nan temporada di Karnaval...

Ma komprondé ku den e kayente di e siman di Gran Marcha un grupo a hañ’é ku sorpresa ora ku nan kosedó a kose te ainda e karson dje hòmbernan so, sin traha riba e parti ariba...

Ata grupo a kore buska otro kosedó pa kaba trabou...

E situashon di Curaçao Festival Center ta un di atenshon...

Ta un lástima ku e organisashon mester hañ’é konfrontá ke situashon aki...

Ma komprondé si ku e situashon no ta afektá AMAK komo organisashon...

Ayera nochi lat a kuminsá ku e konstrukshon di DOME riba Rooseveltweg...

E preparashonnan pa e ambiente e wikènt aki na DOME  ta mustra di bai bira super bon...

Awe tardi nos lo kombersá ku Manuel de Gouveia, e ta enkargá ku relashon públiko di DOME...

Fuera di ta un lugá tremendo pa bo para wak Karnaval, DOME ta duna bu algun fasilidat úniko...

Chèk e pakete di DOME i kumpra bo karchi pe wikènt aki bo ta na DOME pa disfrutá di Karnaval di Kòrsou...

Digicel a selebrá ku nan embahador, Rei di Tumba 2019, Dibo Doran...

Tremendo e ambiente tabata serka e hendenan di DIGICEL...

Hóbennan ta loko ku e Robòt di Digicel, e robòt ta baila i ta un lokura total...

Tremendo ‘gimmick’ esaki ta pa Digicel...

Awe nochi ta jump in di BAB/ Crazy Diamonds...

Ba kumpra bo karchi kaba? Si ainda bo no a kumpr’é pasa awe den dia na edifisio di BAB na Emmastad pa bo kumpra bo karchi i risibí bo T-shirt mesora...

Ta e último jump in esaki ta i e ta ‘all in’, pues sin doló di kabes ku mester bai ku sèn pa kumpra ko’i bebe...

Kòrda si ora bo ta bebe, no kere ku bo por bai kibra e hendenan su bar ku bo bebementu...

Crazy Diamonds ta konosí pa ta un grupo ku bar no ta lèn niun momentu...

Ayera EXTRA a bishitá e selebrashon di Karnaval di Betesda...

Great pa mira kon e personal ta dediká tempu na e parti di dibertishon i aktividatnan sosial pa nan abitantenan...

Ta basta aña kaba Betesda ta organisá nan aktividatnan sosial pa nan abitantenan...

Mester rekreá ku nos grandinan, manera nan sa bisa, bo sinta ketu, mundu ta bai laga bu...

Ayera nochi ma mira treiler ku dranghek riba kaminda, mi no sa si nan a bai pone dranghek na e kuminsamentu dje ruta di Karnaval, awe den dia nos tei tira un bista...

Bándabou tambe ta kla pa nan selebrashon di Karnaval djasabra awó...

Sòru pa bo bai Bándabou tempran pa bo por disfrutá dje marcha di Karnaval ....

Djasabra anochi unda ku bo ta bo por sigui e transmishon di ‘Kanti Kaya’ di EXTRA...

Bo por sigui e transmishon riba bo telefòn via di e página di facebook di EXTRA ku ta extracuracao...

Bo por siguié via di EXTRA su kanal di YouTube: extracuracao...

I via di kanal 73 di TDS...

Pa esnan ku tin smart TV, nan por subi YouTube i sigui e transmishon via di extracuracao...

‘Kanti Kaya’ lo ta karga ku informashon, músika i bon ambiente ...

Bon nos tei move, awe siman a parti den 2, wikènt ta djis den bògt...

Te mañan ku Dios ke !...