Nos a yega wikènt i e wikènt aki lo ta karga ku aktividatnan farandulero...

 Segun mi e wikènt aki tin kos pa tur hende...

 Djasabra ta parse di bai bira un fecha pa ‘inne minne mutte’, si bo no a disidí ainda, bo tin e chèns pa kaba di disidí si bo ta bai Kleine Werf of Renaissance...

Dos evento ku kada un lo pèrkurá pa hala un bon públiko...

E show di Jandino ‘Keihard’ tin tur ingrediente pa bira un tremendo evento kaminda e públiko lo bai risibí tur kos den 1...

E konsierto di ‘Caribbean Queens’ tambe ta mustra di bai bira e konsierto di wikènt...

Mi no ke bisa ku ta ‘once in a lifetime’ bo tin chèns di topa nan tres huntu, pero un kos ta sigur pa Izaline, Doña Mafalda i Shirma ta huntu ta ‘once in a blue moon’...

Izaline ku un orkesta bou di direkshon di Randal Corsen, Doña Mafalda ku e respaldo musikal di Arnell i su Orkesta i Shirma ku su tremendo banda ta bira e motibu pakiko bo no tin mag di pèrdè e konsierto aki...

Mi mes ta riba un duda kua di nan dos lo mi ke bai, mi tin karchi di un kaba, pero e otro ta tenta mi ku Dios di ta basta...

Un kos ta sigui, EXTRA lo pèrkurá pa e kobertura kompletu di ámbos evento...

Apart di e dos shownan aki, tin un konsierto klásiko den Fortkerk ku sigur pa e amantenan di músika klásiko lo e ta un kos ku bo no tin mag di pèrdè...

Sra. Myrtle Treurniet i Johnny Kleinmoedig lo presentá un konsierto di piano klásiko anto esaki kombiná ku presentashon di algun artista lokal ...

Ban pa otro kos, ma tende ku tur probabilidat fecha di un konsierto popular ku ta pendiente pa tuma lugá den luna di desèmber lo bai kambia di fecha...

Segun mi por a komprondé e intenshon ta pa manda e fecha novèmber, esaki lo tin ku sosodé despues ku e artista a informá e promotornan ku e fecha den desèmber no ta disponibel mas...

Junny Martis su ‘Me la voy a llevar’ ta zona bon. Tremendo produkshon musikal di Albert Windster...

Letranan di e kansion di Harvey Isidora ku ONE a lansa ayera ta profundo i ta loke hopi biaha ta sosodé den un relashon ora ku un pareha no ta papia palabra kla ku e otro...

Awe tambe ta kuminsá e presentashon di pelíkulanan tokante ‘Diaspora Afrikano’ na Teatro Luna Blou...

Bo haña un chèns den wikènt bai wak un, e ta un tema sumamente importante i ku bo ta siña masha hopi mes di dje...

Bon shonnan tabata un plaser pa produsí otro edishon di ‘Louie Louie’...

Disfrutá di bo wikènt i si bo tei move kòrda bon, si bo ta bebe, hasi esaki na midi...

Felis wikènt !