Un felis djabièrnè pa tur nos lektornan...

Great ku e aña aki na nos pareser e konsientisashon riba Síndrome di ‘Down’ a risibí e atenshon ku e meresé...

Awe nochi 7 or tin reunion na Sentro di Bario Santa Rosa relashoná ku e tayer di mara lensu organisá pa Shurendi Pieternella...

Si ainda bo no a inskribí, bèl Celli na 679-6057 i inskribí pa bo por partisipá...

Ensayonan di bandanan a kuminsá pa laga nos yama e temporada 2019 di farándula lokal...

Repertorio mester keda adaptá i produkshon di kansionnan nobo mester kuminsá pa dje forma ei gara e merkado...

Ta konosí ku farándula no ta ko’i kanta makamba, pero pa e músikonan e reto ta pa logra produsí éksitonan musikal nobo pa por marka pouta den 2019...

Tin algun evento i fiesta na kaminda ku ta mustra ku nos lo tin un promé parti di 2019 basta aktivo...

Ta di wak kon e públiko lo bai reakshoná...

E skohementu di unda lo bai i kuantu ta bai pa luna ta bai hunga un ròl...

P’esei e promotor mester ta kreativo pa por logra hala atenshon ku su evento i presentá algu otro for di loke normalmente ta keda presentá...

Kreatividat i kombinashon perfekto ta hunga un ròl importante...

Otro siman ta siman di Kantadó Mayó, serka e gruponan rítmiko tambe ta basta ensayo tin...

E kultura rondó di Kantadó Mayó ta mesun òf te hasta mas intenso ku esun di Festival di Tumba...

Gruponan ta prepará bon, bon uniformá i kada un ku nan fanátikonan pa apoyá durante di presentashon...

E kreashon di koro ku ta kanta harmonisá tambe ta masha importante, pasó areglistanan ta poniendo tokenan èkstra na no solamente e tokamentu pero tambe e manera di respondé koro...

E desaroyo aki a ta tumando lugá pa algun aña kaba i na vários okashon tabata punto di diskushon, sigur entre e grupo ku ke pa e Seú keda toká den e forma tradishonal i esnan ku a pèrkurando pa inovashon ...

Echo ta ku e amante di Seú ta esun ku ta disfrutá di loke ku ta keda produsí i presentá durante di Kantadó Mayó...

‘Louie Louie’ na algun okashon a yega di komentá ku mester buska un lugá mas grandi pa organisá Kantadó Mayó, a purba na vários okashon pa bai sitionan mas grandi, pero debí nan finansas e organisashon ta haña nan ta bai Klup di Shell bèk, paso ta einan nan tin e evento bou di kontròl...

Mi ta kere ku Kantadó Mayó i tambe Un Kanto pa Kòrsou mester ta eventonan ku Gobièrnu ta sostené i òf para garantia pa nan i huntu ku spònser mester pèrkurá pa e eventonan keda presentá riba Plasa Brion, grátis pa pueblo...

Si bo ke traha riba patriotismo, e evento mester ta un ku ta grátis pa pueblo...

Mi no ta mira ku pa produsí e eventonan aki grátis nan lo no por keda kubrí pa Gobièrnu i spònsernan ...

Ku e komentario aki mi ta terminá e edishon aki di ‘Louie Louie’...

Disfrutá di bo wikènt...