Un felis djabièrnè pa tur nos lektornan...

‘Siman di Kultura’ ta yegando su fin ku masha hopi aktividat kultural awe...

Skolnan, kasnan di kuido, organisashonnan sosial i empresanan tur ta den gara di Siman di Kultura...

Ta masha komementu tabatin den e siman aki, hopi benta di kuminda krioyo i pasa boka...

Great pa mira ku a organisá diferente tayer ku diferente tema pa konsientisá hubentut riba nos kultura...

Ata doño di banda a ‘post’ riba facebook ku si bo no por paga e banda, no reservá fecha...

Polisnan di Kòrsou a lanta un banda spesial pa e selebrashon di Siman di Polis ku ta kuminsá awe i terminá otro siman...

Durante henter siman lo tin diferente aktividatnan deportivo i naturalmente e selebrashon di Dia di Polis riba 1e di òktober próksimo...

E banda di Polis ta pendiente pa toka awe nochi i durante diferente dje aktividatnan ku tin durante di e siman aki...

Riba plano internashonal ata e kantantenan prinsipal di ‘reggaeton’ i ‘trap’ a reklamá ku Latin Grammy no a duna atenshon sufisiente na e género...

Nicky Jam, J Balvin i Daddy Yankee ta entre esnan ku a reklamá abiertamente...

E wikènt aki tin un kantidat grandi di aktividatnan tumando lugá, ban spera ku tur lo risibí e atenshon di públiko pa dje forma ei promotornan por habri siman ku mente fresku sin doló di kabes...

Awe nochi ‘Excellence’ ta hasi su presentashon ofisial, e banda konosí komo e banda di Instituto pa Formashon Musikal, tei hasi su debut i lo keda presentá durante di un rueda di prensa...

Durante dje enkuentro lo tin tambe mesora un momentu pa duna atenshon na e akuerdo ku e banda tei sera ku Grupo di Karnaval Crazy Diamonds...

Manera luna di òktober habri e presentashon di trahe di gruponan di karnaval tei kuminsá...

Esnan ku tur aña ta wak presentashon di trahe promé ku nan disidí ta serka kua grupo nan ta bai inskribí, ta sigur pendiente pa bai praktikamente tur presentashon di trahe...

‘Flavours’, e evento kulinario ku ta tuma lugá e wikènt aki tin tur ingrediente di bai hala bon públiko...

Nos hendenan gusta kome i e konsepto di ‘Flavours’ ta duna e públiko chèns di kana rònt i purba diferente ko’i kome...

Durante dje wikènt aki tin algun aktividat di klousura di Siman di Kultura...

Wikènt otro siman ta fecha pa dia di Bándabou, ei tambe ta selebrashon lo tin rònt Bándabou...

Hopi muzik kompañá ku benta di kuminda no sa falta...

E siman aki ma mira e kalènder di Seú 2020, mi’n komprondé e meta pa saka e kalènder siendo e temporada ta masha leu ainda...

Nos tei move, disfrutá di bo wikènt, nos ta topa !...