Un bon siman pa tur nos lektornan...

Hopi hende na Bandabou ayera relashoná ku selebrashon di Dia di Banda Bou...

E organisashon FKBB por mira atras riba otro eksitoso edishon di e selebrashon...

E konsierto di músika Urban a resultá un éksito atrobe...

‘Chucho’ i su tim tin e formulá perfekto pa loke ta trata artistanan urbano ku e públiko ta loko kuné...

E ‘setup’ di e sitio tambe ta hunga un ròl, ora bo sigui perfekshoná bo proyekto ta sigur so lo bo por ta pa loke ta trata bo siguiente konsiertonan...

Tremendo e ‘Garden Party’ ayera nochi na La Hacienda Olivia...

E kombinashon a pèrkurá pa un ‘sold out’...

Survival, banda ku e hendenan tin masha gana di baila a toka huntu ku Hershel Rosario & Friends i Happy Peanuts...

Fundashon Sinta Ros por mira atras riba un tremendo proyekto pa rekoudá fondo...

Ma mira e promo ku a ser traha pa inskripshon di Festival di Tumba i mester aploudí e inisiativa aki, bon pensa!...

Bo mester ta kreativo pa bo logra di atraé hóbennan pa partisipá na e Festival...

Ounke ku tur aña nan ta logra yega na 15 pa 16 partisipante, bo mester sigui hasi promoshon pa bo por logra atraé mas ku e kantidat di hóben pa despues di un evaluashon bo yega na e kantidat menshoná pa partisipá den Festival di Tumba Hubenil 2020...

E komedia ‘Ma frei bo, ba basilá ku mi’, tabatin otro tremendo presentashon djabièrnè último...

Awó nan ta pendiente pa kuminsamentu di desèmber subi pa tera friu...

Mañan anochi ta fecha pa e selebrashon di 50 aniversario di Crosstown Traffic riba Freewinds...

Un konsierto ku ta bale la pena pa wak, muzik di kalidat presentá pa un grupo di amigu ku un trayektoria largu di amistat musikal...

Djaweps awó ta liber, kemen djárason ta pendiente pa yen aktividat, sin konta esnan di djaweps mes...

Tin 120 sineasta den wikènt tras di lomba na Kòrsou ta grabando i partisipando den e proyekto di ‘48 hour Film Project’ ku djárason awor lo konosé su ganadó ...

Doble i ERA ta konfirmá pa 2 presentashon na Ulanda riba 1 i 2 di novèmber próksimo...

E públiko baidó di fiesta sigur lo no ke pèrdè e tremendo fiesta aki, 2 grandi den 1 fiesta...

Fin di aña ta na kaminda i ta masha hopi aktividat ku fiesta mes ta bai tin den e último 2 lunanan di 2019...

Ora bo kere ku situashon ta wanta, ta komo sifuera ku promotornan si tin henteramente un otro pensamentu riba e situashon aki...

Bon nos tei move, spera ku e siman aki lo ta un produktivo pa bo tambe...

E siman tin su break den dje i tin hende ku ya kaba a pèrkurá pa nan tin un ‘super long weekend’...

Te djárason ku Dios ke !...