Un bon siman pa tur nos lektornan...

Ayera ‘A lo Loco’ a presentá nan trahenan pa Karnaval 2020...

Un públiko basta grandi a bai Landhuis Brakkeput Mei Mei pa disfrutá dje presentashon di trahe i animashon di Icons...

E trahe kolorido ta mustra di bai hala atenshon sigur pa loke ta Gran Marcha di Karnaval...

P’e siman aki ta Vise Versa su turno pa presentá nan trahe di Karnaval...

Nan a skohe Ser’i Otrobanda pa nan presentashon di trahe...

Estreno Mas Pikete a skohe dia 3 di novèmber pa nan hasi di nan

E siman aki tambe ta siman di e debut di ‘Excellence’...

Nan lo hasi esaki riba djadumingu, 27 di òktober na Riffort Village...

Dos bon amigu solista a nua ku otro debí na un supuesto krusamentu di otro pa loke ta trata un presentashon na Ulanda...

Ma komprondé ku # 1 a keda kontratá promé, pero a dal e promotornan un preis haltu, nan a but’é un banda sin sikiera a informe na drechi...

Ta ora el a bin komprondé ku # 2 a keda kontratá, el a bira furioso yama i reklamá...

Nan tabatin kustumber di hasi konsierto huntu komo sosio, pero awor tin tur indikashon ku nan presentashon huntu, un di nan dos lo kobra e otro pa presentashon i ta laga e asuntu di sosio den konsierto para...

Lo tabata na su lugá pa nan a papia e asuntu i solushoná esaki sin mester a bin rabiamentu...

Djabièrnè último Jeon i Ventino, un grupo di damita di Bogotá, Colombia a saka un produkshon nobo titulá ‘Estás’ ...

Den dos dia e produkshon ta yegando 250 mil views...

Mi ta gosa kon Jeon ta sigui traha pa e profilá riba merkado internashonal, anto esaki sin lubidá nos di ABC ...

E ta pendiente pa saka un produkshon na Papiamentu promé ku fin di aña...

Ata diskushon atrobe riba retnan sosial pa loke ta trata e relato finansiero di Fundashon JAG pa Karnaval 2019...

Awó ta ken mester wak e relato finansiero, Minister? Sektor di Kultura i Deporte? òf pueblo?...

Si Minister i Sektor di Kultura i Deporte a aseptá pa duna supsidio pa organisá ta pa motibu ku nan a risibí e relato finansiero...

Aworakí si mi ta duda ku nan lo a keda sin entrega esaki i tantu Fundashon JAG i e direktor di sektor di Kultura i Deporte ta konfirmá ku a entregá i risibí esaki...

Bo mester tin hopi kurashi pa bo hasi esaki pa despues resultá ku no ta asina...

Praktikamente lo mi ke pa esnan ku ta indiká ku e relato finansiero no a keda entrega pa nan presentá prueba kontra di e organisashon i departamento di Gobièrnu...

Nos tei move, un siman nobo a start, ban sigui traha pa adelanto di nos Pais...

Bon siman !