Un felis djárason...

Awe ta dia pa e reunion pa gruponan di Aguinaldo i Tambú...

Ayera kombersando ku un lider di grupo el a indiká ku ta interesante pa wak kon lo bai atendé e temporada di Aguinaldo i Tambú...

El a indiká ku proseso di petishon di pèrmit ta hunga un ròl importante den henter e temporada...

Nos ta keda pendiente pa resultado dje reunion i anunsio di e gruponan ku lo ta presentando djasabra i djadumingu den Alameda na Punda...

Keda pendiente pa un anunsio otro siman di ‘Louie Louie’...

Nos ta pendiente pa dos proyekto nobo ku próksimamente nos lo lansa...

Fundashon Karnaval di Bándabou ta pendiente pa awe tardi tene un rueda di prensa pa anunsiá nan temporada pa Karnaval 2020...

E fundashon lo mester duna kuenta i rason tambe ku e situashon finansiero ku a presentá aña pasá kaminda sigur dj i bandanan tabatin reklamo ku nan no a risibí pago pa nan servisio ku nan a brinda...

FKBB tabata pendiente pa risibí un ayudo finansiero di un instansia, pero nos no sa si a logra pa esaki tuma lugá...

E atakenan pa kambio di direktiva tambe a mané para...

Pa mañan ‘DEN E BEMBE’ lo tin informashon riba e rueda di prensa di FKBB...

Si ‘Louie Louie’ bai e rueda di prensa awe tardi, mi ta kere nos por keda mesora pa tende kon kosnan ta pa temporada di Aguinaldo i Tambú...

Tur dos ta na mesun lugá...

E konsierto ‘A trip to Christmas’ ayera nochi a resultá un eksitoso pa e grupo di karnaval hubenil ‘Paraiso Hubenil’...

Un kaso den korte entre un banda i un grupo di karnaval a terminá ku e grupo pèrdiendo e kaso...

E kaso a keda hasi pa e banda despues ku e grupo no a paga sobra parti di pago debí na inkumplimentu segun nan dje kontrakt...

E kaso tabatin un ratu kaba ku e tabata wòrdu tratá den korte i djaluna último hues a tuma un desishon den e kaso...

‘Louie Louie’ a komprondé ku e grupo di Karnaval ta pendiente pa evaluá e desishon di Korte pa wak si nan ta bai den apelashon si òf no...

Mientrastantu e grupo a kambia di banda i nos no ta sigur ainda ku e banda lo keda harma pa partisipá na Festival di Tumba i marchanan di Karnaval...

E músikonan ku e aña aki a forma parti dje banda a lanta nan propio banda i nan tin un kontrakt firma ku un grupo di Karnaval pa 2020...

Nos ta pendiente pa risibí e desishon di korte pa por duna mas komentario riba e kaso...

Tabata un plaser un biaha mas pa produsí otro edishon di Louie Louie...

Djabièrnè nos lo tei bèk pa otro edishon!...

Siman a parti na dos...