Un felis djárason na abo nos lektor...

Awe si! Awe e tremendo selebrashon di Melania van der Veen ta kontinuá den Klup di Shell...

Despues ku djaluna último mester a posponé e aktividat pa motibu di e tremendo ‘black out’ ku tabatin, awe kos ta sigui...

Hopi reakshon Melania a risibí di su fanátikonan ku a pidié pa posponé e evento i el a kumpli...

Ayera nochi Ike Jesurun tabatin tremendo selebrashon di su 45 aniversario riba Freewinds...

Un sala yen, te asta stul èkstra tabatin poné den e sala...

Great di mira ora tur e kantantenan ku el a yega di komponé pe ta djòin pa presentá durante di su selebrashon...

Nos a kombersá ku Ike despues dje konsierto i el a bisa di ta masha kontentu ku e éksito dje konsierto ku tabata un ‘sold out’...

Ike su fanátikonan a kumpli kuné di forma masal...

El a lamentá si ku e no por a invitá mas kolega den e selebrashon pasó ora lo no a yega...

Mané Ike a bisa mi ‘Trabou duru, ups and down, pero muzik ta mi bida!...

Ayera nochi tabatin e presentashon na prensa dje proyekto ‘Mondi Mágiko’ di Grupo Kara, Giovanni Abath i su kasa, Angelica...

Un biaha mas e kreatividat dje duo aki a resaltá den e loke ku a keda presentá na Landhuis Bloemhof...

Djasabra awó ‘Mondi Mágiko’ lo keda habri pa públiko...

Grupo ‘E he he’ su presentashon di trahe ta pendiente pa tuma lugá dia 17 di novèmber próksimo den Saliña...

Sandy ta pendiente pa anunsiá e sitio dje presentashon...

Ma komprondé ku Sandy a hiba chek pa e lider dje banda ku a presentá den Karnaval 2019 bou di e nòmber di Tune...

Awor nan por kaba di paga e gastunan ku a keda pendiente tanten e kaso a keda tratá den korte...

Firma un kontrakt ku un banda ta masha importante i e kondishon bou di kua ta drenta e akuerdo ta aun mas importante...

Na mas ku 1 okashon kaba tabatin gruponan di Karnaval ku no a keda kontentu ku e servisio ku a keda duna pa loke ta trata animashon musikal i a retené sèn di bandanan...

E bandanan di nan turno a bai korte, tin a gana kaso, otronan a pèrdè e kaso dor di no a kumpli ku e akuerdo...

Kanye West a produsí un CD di Gospel i esaki a sali riba merkado i mesora bira # 1...

Awó tin masha diskushon riba e manera di hasi negoshi ku Kanye ta hasiendo ku su albùm di Gospel i e reglanan ku e ta pone pa bishita lugánan kaminda e ta presentá...

Ban wak kiko e resultadonan di esaki lo bai ta...

Nos tei move, tabata un plaser, djabièrnè nos tei bek ku otro edishon di Louie Louie...