Un felis djabièrnè na tur nos lektornan...

Laga mi kuminsá na felisitá Melania van der Veen ku un tremendo selebrashon djárason anochi na Klup di Shell...

E selebrashon di 40 aña den farándula tabata bon hinká den otro...

Un dekor ku a kambia e ambiente di klup di Shell i ku a pone ku e públiko tambe a bisti spesial pe okashon...

Nèchi bistí, hopi ta esnan ku a para i saka potrèt na e dos sitionan kaminda tabata por i e bandanan a duna un bon presentashon ...

E públiko sigur a gosa te den oranan lat di mardugá...

Nos a yega otro wikènt, ku basta un par di aktividat ku sigur lo hala atenshon e wikènt aki...

‘Suprise Party pa Loloi’ lo keda presentá e wikènt aki den Teatro Luna Blou...

Djasabra anochi tin Elekshon di Rei i Reina Tiner di e grupo ‘I Love to Hip Hop & RnB’ na Because...

‘Biota Cirque Beach Festival’ ta tuma lugá djasabra anochi na Baya Beach...

Tremendo konsepto na un lugá úniko...

Ta despues di basta tempu tin un evento tumando lugá na Baya Beach, segun mi...

Riba e mesun djasabra anochi pa un otro tipo di públiko tin ‘Simplicity’ den Lanthuis Brakkeput Mei Mei...

E fiesta organisá pa Fundashon Sinta Ros tin e meta pa rekoudá fondo pa e organisashon...

Tune ku Gentz lo presentá i aserka Clifton End komo artista invitá for di Ulanda...

Otro kaminda pa bai djasabra ta ‘Mondi Mágiko’ na Landhuis Bloemhof...

Mañan ta e promé fecha di ‘Mondi Mágiko’, e kurá di Landhuis Bloemhof a keda kompletamente transformá den un dekorashon di Pasku ku hopi lus ...

E proyekto di Kara Productions, Giovanni i Angelica, ta primintí di atraé un gran kantidat di públiko

‘PAPIA, the birth of a Language’ ku resientemente a keda presentá na Ulanda ta pendiente pa fin dje luna aki keda presentá aki na Kòrsou den La Tentashon...

E obra aki sigur ta un ku ta bale la pena pa bo bai wak...

Ma komprondé ku e fiestanan di ERA i Doble na Ulanda a bai bon, te hasta masha bon pa loke ta trata asistensia...

E públiko na Ulanda sigur no ta haña e kombinashon aki pa baila...

Tela Sambo a produsí un CD karga ku mensahe...

E CD di tambú aki sigur mester risibí e atenshon di públiko...

Un pabien awe pa Angelique Klooster, Tico Roberto i tambe e animadó di radio Addae kendenan a kumpli un aña mas di bida awe...

Deya Mensche tambe a kumpli aña awe. Deya masha pabien !...

Bolo mi ke !...

Shonnan tabata un plaser, gosa di bo wikènt...

Djaluna ku Dios ke nos tei bèk ku otro edishon di ‘Louie Louie’...